Isaya 42:21 - Udél Dwata: Gna Kesfasad ne Lomi Kesfasad

²¹ Yóm Dwata gónó tekuy mogot, hol kóyóen ke lenwaen tekuy. Yó gónón hol hget du bélê tekuy yó kem hlauhen ne yó kem toloken. Kóyóen ke hol nimón yó kem tauhen.

Isaya 42:21 Referans Kwoze

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

Hibru 8:10

Bud mon yóm gónó le mogot, ni se angat nmou bè yó kem tau Israél elem hulin kdaw mò lan le hloni ebéléu. Suu lem hendem le yóm dou hlau, ne bud hnóu lem nawa le snéen. Ne ou se baling kul Dwata, ne lu se baling dou tau.

Sulat Pol Ebè Yó Kem Tau Hemtahu Bè Rom 7:12

Duhen yó, yóm hlau tehe snulat Musis yó laen dù kô belenen. Tey ktedengen, lelen alì hyu.

Matyu 3:15

Bnalà Jisas se, monen, “Kendolen ne. Hyu ke gotu nmò te yóm kóyô Dwata bélê te.” Tahu se, bnabtays Jan Jisas.

Isaya 42:4

Laen kô tul kkóhen béléen yóm kgel nawahen. Angat tódô lenngeben klamang benwu yóm kukum tedeng nwiten. Balù yó kem benwu mayuk tey kangat le du yóm ktoloken.”

Kem Lingón 71:19

Yóm tey ktedengem, Dwata, botong gefet ditu bè yóm hol longit geta. Tey bong hentaw yó kem deng gendengem, Dwata. Laen kô dù semnged kóm.

Kem Lingón 40:8

Tey bong óyóu mò du yóm kóm kóyô, Dwata. Tendo eles nô bè nawahu yóm gel tolokem dou.”

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Glasya 3:21

Déke ofo kuy mon du là segmung le hlau Musis yóm fasad Dwata. Là kô yó du. Ke gbek yóm hlau bemlay tekuy yóm klowil laen dù sónen, deng duhen yó ne yóm lan tekuy baling tedeng bè kton Dwata tekuy. Okóm là kô yó du.

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Sulat Pol Ebè Yó Kem Tau Hemtahu Bè Rom 10:4

Lemwót bè yóm deng nmò Krays, yó gónón deng tódô gesón yóm klolò tekuy yóm hlau mò gónón tedeng kton Dwata tekuy. Tek són bè yóm kehtahu bè Krays gónón baling tedeng kdéen tau.

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

Kun Snulat Jan 8:29

Yóm hógów dou,” mon Jisas, “là kô bayaen dou, abay se tendo nmou yóm kun knóyô.”

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Matyu 3:17

Ne ominen wen mudél gu bè longit, monen, “Ni se hol dou Ngà tendo gónón nô nawahu. Tey kligalu béléen.”

Kem Lingón 71:16

Dóyónu yóm tey kegbekem, Dwata yóm Dwata hol dandónen geta, Tulónu bè kdéen tau tek són uu yóm tedeng, tek són uu yóm hyu.

Kem Lingón 138:2

Mtude bukol yóm igou smolu ebè yóm kóm Gónô, tmabahe béléem, ne dóyónu yóm kóm boluy lemwót bè yóm là konol nawahem ebéléu ne bè yóm ktenebem béléu. Abay se deng hegetahem bè kdéen yóm kóm boluy ne yóm kóm udél.

Dwata 4:6

Hol ye hteneb mimón du yó kem kun hlau yó. Ke ni se nmò ye, angat gfan bè yó kem tólóng tau bè dumu benwu yóm tey khulung ye hedem ne khulung ye temnef. Ke gungol le yó kem hlau Dwata ni yó angat mon le, ‘Tey le hulung hedem yó kem tey tau wen yó ne hulung le temnef.’

Dwata 4:8

Laen dù dumu but tau balù nô kwen le ke wen mdengen hlau tedeng nô lem blóng le lómón yó kem hlau deng toloku kuy kemdaw ni.