Isaya 42:16 - Udél Dwata: Gna Kesfasad ne Lomi Kesfasad

¹⁶ Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Isaya 42:16 Referans Kwoze

Isaya 30:21

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”

Kun Snulat Luk 3:5

Sendatal ye tu kem gónón lebsong, ne sentunal ye tu kem bululen. Hentedeng ye tu kem gónón kigù, ne sentódô ye tu kem gónón sebesuk.

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Isaya 40:4

Eles henok nlem ye yó kem sbong ne sentunal ye yó kem bulul. Ne sendatal ye yó kem buntud ne yó kem gónón sebsuk, efet tódô mló.

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Isaya 32:3

Yó nmò yó kem tau malak yó, tendo hnénég le ne tendo hnungol le yó kem tau nalak le ke tedu yóm wen mu le du.

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Kem Lingón 94:14

Yóm Dwata, là kô nan e kenbê kul yó kem kun tau, ne là kô tódô bayaen kul yó kem kun tau nfun.

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

Isaya 45:2

“Ou he tukô gna kóm. Tódô sentunalu béléem yó kem bulul geta kkólen bè yó kem bulul lemnek. Ne angat genbau béléem yó kem tikeb tembaga le ne tenfoku yó kem bala tók tgel le.

Isaya 35:5

Bè yóm kkólen, gotu htonen yó kem butô ne hfungolen yó kem bokong.

Husiya 2:14

Yó bud udél Dwata, monen, “Okóm ni, naw bud n-goy sulék, nwitu etu bè yóm benwu là hyu menwu du, naw bud hninggel stulón du.

Husiya 2:6

Okóm yó kmou du yóm libun yó, labatu du yóm alì semnual, nmou sengen anì là bud tonen du lanen.

Juswa 3:4

Là deng ye mlan bè ni se kuy, yó gónó le tukô gna kuy anì lolò ye lu. Okóm hol bê ye abay hloni e du yóm Slungan Fasad yó, wen dô sotu kilumitru klayuk ye edu.”

Isaya 54:13

Tódô ou ne tmolok yó kem tauhem anì wen gendeng le ne anì menek kbenwu le.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Isaya 26:7

Tey hyu, Dwata, yóm lan nmoem bè yó kem tau hyu kmò le, tey sdatal yóm lan lolò le.

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Isaya 41:17

Bè yóm kdaw alì ksidek kleeng le yó kem dou tau, mebel le él bede laen kô dù ton le. Tódô mékéng lem lihol le. Timbow le hkodu béléu, tódô kendel bnalau lu. Abay se ou se kul Dwata yó kem tau Israél yóm hol gónó mogot. Là kô gbeku tódô mayà kul.

Isaya 45:7

Ou se tehe dmimun du yóm layag ne bud ou se tehe dmimun du yóm kifu. Béléu gónón lemwót yóm gel tóbóng ne béléu se gónón lemwót yóm gel gfà. Ou se mò kul ni kem ni, yóm Dwata hol gónó mogot.

Isaya 52:12

Okóm yóm kewót ye yó, là kô ye meslò abay se laen dù henlóy ye. Eles tukô gna kuy yóm Dwata gónó ye mogot ne du se tendo mofin kuy.

Isaya 58:10

Hyu ke benlay ye ken yó kem bitil ne hegsengel ye nawa yó kem tau wen gónó le élél. Ke yó se nmò ye, angat baling layag yóm tey kkifuhen hmilol kuy, lómón layag kdaw gtungó.

Amus 5:8

Igoen Dwata se mò kul yó kem blotik, yóm sotu bung blotik boluyen Pliyadis ne yóm sotuhen boluyen Urayun. Gbeken hembaling du mwas yóm kifu. Ne gbeken hembaling du kifu yóm kdaw. Du se ma du yóm él mohin ne henbalingen kulón ete tonok. Dwata yóm kun boluy.