Isaya 42:12 - Udél Dwata: Gna Kesfasad ne Lomi Kesfasad

¹² Yó kem tau nô bè yó kem benwu mayuk, yake hol megdóyón bélê ye Dwata ne hol dóyón ye se kuy yóm tey kegetahen.

Isaya 42:12 Referans Kwoze

Isaya 42:4

Laen kô tul kkóhen béléen yóm kgel nawahen. Angat tódô lenngeben klamang benwu yóm kukum tedeng nwiten. Balù yó kem benwu mayuk tey kangat le du yóm ktoloken.”

Kem Lingón 22:27

Angat gtulón nawa le Dwata yóm kdéen tau bè klamangen benwu. Gotu le semfulék ebéléen yó kem tau lemwót bè ket benwu talak tonok, Kdéen kay but tau talak tonok, gotu le tmaba ebéléen.

1 Samwél 6:5

Nmò ye nim ni mò gónó ye hegfan du yóm kadat ye yóm kul Dwata yó kem tau Israél. Déke bè ni gónón temflok yóm ktafaken tekuy dalang se yó kem dwata ye ne yóm tonok ye.

Kem Lingón 66:2

Sngal ye yóm tey keklóón yóm kun boluy. Tulón ye bè klamangen benwu yóm tey kun keklóón.

Kem Lingón 97:1

Dwata se yóm Hol Geta. Hol hligal he yóm klamangen benwu. Hol hligal he yó kem benwu kilil mohin.

Isaya 12:4

Bè yóm kdaw yó, angat le lemingón yó kem tau, mon le, “Hol ye slamat bè Dwata. Hol ye tmaba ebéléen anì tnóbóngen yu. Tulón ye bè kdéen benwu yóm deng gendengen bélê ye. Hol tulón ye kul yóm tey kegetahen.

Isaya 43:21

Lu se yó kem tau deng nmou mò hol dou tau. Angat tey kdóyón le dou mlan bè kesngal le.”