Biblia Todo Logo
Bib sou entènèt

- Piblisite -




Isaya 42:10 - Udél Dwata: Gna Kesfasad ne Lomi Kesfasad

10 Semngal tekuy ebè Dwata dé yóm sngal lomi. Kdéen tau bè klamangen benwu, hol sngal tekuy yóm gónón megdóyón. Yu kem tau gel mit kafal, hol dóyón ye Dwata. Dalang se yó kem mowil lem mohin, gbót dóyón ye Dwata. Ne yó kem benwu mayuk, hol ye semngal ne kdéen tau menwu bélê ye.

Gade chapit la Kopi




Isaya 42:10
32 Referans Kwoze  

Mò ye yóm lomi sngal mò sngal ye ebéléen. Hol hninggel ye hemglung ebéléen, ne hol ye hligal mensag.


Laen kô tul kkóhen béléen yóm kgel nawahen. Angat tódô lenngeben klamang benwu yóm kukum tedeng nwiten. Balù yó kem benwu mayuk tey kangat le du yóm ktoloken.”


Wen lomi lingón toloken dou, yóm lingón mò dmóyón du. Angat tey dê tau mton du yóm któbóngen dou. Bè yóm kton le du, wen dnalang le, ne angat baling snalig le Dwata.


Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.


Ó kem longit seglafin, hol ye semngal dé. Ó Tonok, holi hligal mensag dé. Dalang se yó kem bulul, hol ye semngal. Angat henyu Dwata nawa yó kem kun tau. Ne yó kem tau alì glayam, tey kkoduhen kul.”


Yó nmò yó kem lematu bud fat folò fat libu tau yó, gotu le mdà bè solu yóm gónón myón yóm fen kmamal, ne bè solu yó kem fat mtulus ne yó kem tau tuha. Gotu le semngal yóm lomi sngal, ne laen se kô dumu tau gembek dmalang du yóm sngal yó, tek són lu. Bè yóm kdéen tau te tonok, són lu yóm deng nsok.


Angat tey sidek kehlikò Dwata kul lemwót bè yóm sulék kegbaen yóm kdê dwata lennged le. Bè yóm kton le du yó kem tau bè klamangen benwu nim ni, angat són ebè Dwata gónó le e tmaba ne tódô ket kul ne sotu tmaba ebéléen bè yóm kul benwu.


Duhen yó se yó kem kafal lemwót gu bè doli benwu mayuk. Eted le lu ebè kul benwu yó kem tau Dwata. Wen kem blówón bukay ne kem tahu blówón nwit le mulék mò gónó le hegfan du yóm kadat le ke Dwata yóm Dwata yó kem tau Israél yóm Dwata laen kô dù belenen. Lemwót bè Dwata se gónó le madat kul yó kem kun tau yó kem tau bè kdéen benwu.


Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”


Hol ye hligal mensag dé, yu kem longit seglafin. Ne yó kem tonok seglafin etlaan, mensag ye. Dalang se kuy kem bulul ne kdê yó kem koyu dlag, hol ye hligal mensag. Deng hegfan Dwata yóm kegetahen bè kehewaen yó kem kun tau Israél.


Yóm kdê tekuy mowil te tonok, hol dóyón tekuy Dwata se kut. Hol gel dóyón tekuy dé Dwata.


Dwata se yóm Hol Geta. Hol hligal he yóm klamangen benwu. Hol hligal he yó kem benwu kilil mohin.


Ó tonok ne longit ne mohin ne yóm kdê nô lemen, hol ye hligal se kuy sok kól Dwata.


Ne yóm mohin ne yóm kdê nô lemen, hlan ye bè lungkul ye yóm kdóyón ye du. Dalang se yó kem tniba ne dnadu ne kdê yó kem tmowok tahen, hol ye hligal se kuy.


Omin le lemingón ebè yóm sana kul Dwata hol gónó mogot le Musis ne yó kem tau Israél. Yó lingón le, “Lemingóne ebè Dwata lemwót bè yóm tey deng kegmoen bè yó kem hohon tekuy. Tudaen elem mohin yó kem kudà le mung du yó kem tau smakay kul.


Nem kdawu mò du yóm tonok ne longit ne mohin ne yó kem kdê nô lemen. Okóm bè yóm ghituhen kdaw, hegnóe. Yó gónóm mon, htólóngu yóm Kdaw Kehegnô mò dou.


Ó Dwata, yóm gel lemwà kum, gel bnalaem se yóm kni me béléem mlan bè yóm kehegmoem kum bè kem hohon me. Tey dê hentaw ton nmoem mò gónóm lemwà kum. Gotu snalig le uu yó kem tau bè klamangen benwu. Balù yó kem tau fatu mohin, snalig le uu snéen kul.


Yó kem tau hol geta bè kem Kestilà, ne yó kem tau hol geta bè yó kem hungul te mohin, gotu le angat mógów ebéléen na le e benlay basa. Dalang se yóm tau hol geta bè benwu Syiba ne yóm tau hol geta bè benwu Siba, gotu le angat mógów ebéléen na le e benlay basa.


Lemingón ye ebè Dwata lemwót bè yóm deng tey gendengen bélê ye. Hol heglalag ye bè klamangen benwu yóm tulón yó.


Yó ne hewà ye gu bè Babilun, laen dù bud gónó ye gfét bè yó ne. Hol ye hligal mensag. Hol tulón ye bè klamangen yóm deng kehewà Dwata kuy kem kun tau Israél, kem tau tóbóng lówóhen.


Angat tonem yó kem genged kamél lemulón stodol gu bè benwu Midyan ne Ifa. Wen se lemwót gu bè Siba, mit le tahu blówón ne insinsu. Angat wen hyu tulón nit le, duhen yóm deng nmò Dwata bélê le.


Swiv nou:

Piblisite


Piblisite