Isaya 41:9 - Udél Dwata: Gna Kesfasad ne Lomi Kesfasad

⁹ Deng gotu sentifunu yu lemwót gu bè hol són tonok, deng tnabahu yu lemwót gu bè doli benwu. Ne yó monu mò kuy, ‘Yu se yó kem mò tóbóng lówóhu.’ Là kô naw e kenbê kuy igò sem yu yóm dou nélék.

Isaya 41:9 Referans Kwoze

1 Samwél 12:22

Yóm Dwata, là kô nan e tódô bayà kul yó kem kun tau deng nélék. Ke bayaen lu henyaken yóm kun boluy. Tey kehyu nawahen bè yóm kehbalingen kuy mò kun tau.

Kem Lingón 94:14

Yóm Dwata, là kô nan e kenbê kul yó kem kun tau, ne là kô tódô bayaen kul yó kem kun tau nfun.

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

Kun Snulat Luk 13:29

Angat tey dê tau là Ju le, lemwót fi gu dmata kdaw ne fi gu desdef ne fi gu leged ne fi gu debwak. Angat le gotu seyón mken bè yóm kun benwu nogot Dwata. Tódô kentihen benwu talak tonok angat gónó le gu lemwót yó kem tau angat mung bè yó.

Isaya 41:8

Yó udél Dwata, monen, “Yu kem tau Israél, hono kem dou tóbóng lówó. Deng néléku yu kem tau semfu gu bè yóm tehe weu Abraham.

Kem Lingón 135:4

Abay se deng nélék Dwata Jakub mò kun, nfunen yó kem tau Israél mò hol gónón nô nawahen.

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Isaya 44:1

Yó udél Dwata, monen, “Hol ye hmungol, kem tau Israél, kem tau tóbóng lówóhu. Yu se kem tau deng néléku, kem tau semfu gu bè tehe Jakub.

Isaya 45:4

Deng néléku u mò tmóbóng yó kem tau Israél, yó kem tau deng néléku mò tóbóng lówóhu. Tey kehegetahu kóm, balù yóm là ketngónem dou.

Malakay 1:2

Yó monen, “Tey kbong nawahu kuy lemwót bè kbuten.” Okóm mom yó balà ye du, “Gónóm deng hegfan du de yóm kbong nawam kum?” Ne yó balà Dwata kuy, monen, “Yóm Jakub ne Iso segeng ksut le. Okóm tey kbong nawahu ke Jakub kun yóm kuy fù dalang se yó kem lugoden.