Isaya 40:9 - Udél Dwata: Gna Kesfasad ne Lomi Kesfasad

⁹ Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Isaya 40:9 Referans Kwoze

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Ifisus 6:19

Ne hol gel utóm ye ou snéen bè yóm gel kni ye anì benlay Dwata ou khulung tmolok, ne anì laen dù klikou heglileb du bè kem tau yóm Tulón Hyu tehe gbuni bélê le.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

1 Pitér 3:14

Okóm baluen se ke wen hemsidek kuy lemwót bè yóm hyu gel nmò ye, wen kligal ye du myó. Bê ye hlikò, ne bê ye htafa nawa ye.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Sulat Pol Ebè Yó Kem Tau Hemtahu Bè Rom 10:18

Bede wen snólóku. Là deng gungol kem tau Israél du kô nim tulón ni? Deng gungol le ne. Lómón yóm monen bè Sulat Dwata, monen, “Deng kem tehe gungol kdéen tau te tonok ne. Deng tódô gefet bè klamangen benwu yóm ktulón le du.”

Kul Nmò 4:29

Ne ni, Dwata, hol hnungolem yóm tey kifis le kum. Hol ten-gelem mi kem kóm tau, anì là likò me tmulón du yóm kóm tulón.

Kul Nmò 4:13

Ya tey ketnga yó kem tau hol geta mogot kukum yóm kton le laen dù klikò le Pitér ne Jan, ne yóm ketngón le du olo le kem tau hkawang, laen dù hennagì le. Bud gtulón bè nawa le yó kem lewu tau yó, lu se yóm tehe gel slomong ke Jisas.

Kul Nmò 2:14

Omin Pitér mdà lem blóng le, ne mdà le klohoken yó kem sfolò sotu dumuhen. Hgel Pitér udélen ebè yó kem tey tau sbung, monen, “Ó kem dumuhu Ju, ne yóm kdê ye nô bè ni bè Jirusalim, hol hnungol ye nim monu mò kuy ni. Tulónu kuy lanen yóm deng gungol ye ni koni.

Kun Snulat Luk 24:47

Lemwót bè kun boluy, wen lan Dwata hmifót salà yó kem tau deng hegsel.’ Ni se,” monen, “yóm tulón angat hlós sensból ye bè klamangen benwu. Bè ni bè Jirusalim gónó ye mbut hból du.

Jirimaya 22:20

“Hol ye mkik kem tau bè Jirusalim, abay se angat le gotu meglà yó kem tau gel dumu ye stóbóng. Hnebel ye lu ditu bè Libanun. Hol hgel ye tmaba kul ditu bè Basan. Ne hnebel ye lu bè yó kem benwu fi dmata kdaw. Okóm là kô na ye e bud ton kul, deng le tódô gotu meglà.

Isaya 58:4

Yó mò kuy bè yóm kfasting ye, deng ye sunget. Sónmò ye segled ne sfatay. Bè kuy kehedem du bè yóm kfasting lómón ni, bè ni kô gónóhu hmungol du yóm kni ye ebéléu? Là kô yó du.

2 Tutul Israél 13:4

Bè yóm kegdek le ta yó kem bulul lemnek bè tonok Ifraim yó kem sendalù Juda, lemwót Abidya mdà ta Buntud Simaraim, mensag ebè Jirubuam ne ebè yó kem sendalù Israél mung du, monen, “Hol hnungol ye ou.

Kmukum 9:7

Timbow gungol Jutam nim nmò le ni, yó gónón mneged eta Bulul Girisim hgelen udélen, monen, “Ó kem tau bè Sékém, hol hnungol ye ou anì hnungol Dwata yu se kuy.

Isaya 1:1

Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

Isaya 35:2

Hol lómón ke tódô hligal semngal ne mensag yóm benwu yó. Lómón angat ktiloben, lómón ktilob yó kem bulul bè Libanun. Yóm kehyu yóm tonoken hol lómón yóm kehyu yóm tonok bè Karmél ne Syaron. Tódô kdéen tau gotu mton du yóm tey klinggel Dwata ne yóm kegetahen ne yóm kfasangen.

Isaya 44:26

Okóm yóm dou tóbóng lówó, ke wen eles gel tulónen angat hdohou se yó. Ke wen tau hógówu mò tmulón yóm angat atulu, hol lemwót béléu se yóm tulónen yó ne angat hdohou. Ni udélu ebè yóm benwu Jirusalim, angat le bud mulék menwu bè yó, yó kem tauhen. Ne yó bud udélu ebè yó kem syudad bè benwu Juda, angat wen bud hmomi hemdà kul. Balù yóm deng tey kegbà le, botong bud baling lomi.

Jirimaya 29:11

Yakà dengen wen kem dou atul bélê ye, hono kem atul hyu, là kô gfà du, kem atul hyu bè klowil ye elem hulin kdaw mò nefet nawa ye.

Nahum 1:15

Tengel ye dé, wen tau sut gu lem bulul mit tulón hyu. Yó tulónen bud menek kebenwu ye kun. Ó kem tau bè Juda, bud nmò ye dé yó kem dê gel hnigal ye ne dnohò ye yó kem deng fasad ye ke Dwata, abay se yó kem tau Ninibi hmohon kuy yó, là bud nled le du ne benwu ye. Deng le gotu sulék meglà.

Isaya 52:6

Okóm angat wen kdawen, ketngón ye du ou se Dwata yóm deng mudél ebélê ye ni.”