Isaya 40:8 - Udél Dwata: Gna Kesfasad ne Lomi Kesfasad

⁸ Tahu se, mahil menes yóm bnes ne mahil mifù yó kem bulók. Okóm yóm udél yóm Dwata tekuy, laen kô dù nan e són.”

Isaya 40:8 Referans Kwoze

Mark 13:31

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a kmanas.”

1 Pitér 1:25

Okóm yóm kun Udél yóm gónó tekuy mogot, laen kô dù tul sónen.” Yóm udél monen yó, yó se yóm Tulón Hyu gel hetngón le kuy yó kem tau gel tmolok bélê ye.

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Matyu 5:18

Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Kun Snulat Jan 10:35

Na,” mon Jisas, “hónô tngón tekuy yóm deng tehe hsulat Dwata, là kô gbek tekuy bud temles du. Ke deng bnoluy Dwata lu dwata yó kem tau tehe hogoten udélen,

Sikaraya 1:6

Okóm tódô kdê yó kem hetgamahu kul hlanu bè yó kem tehe tóbóng lówóhu, duhen yó kem tugodu ekni, deng gotu gefet bè yó kem tehe fù ye. Omin le yó hegsel, mon le, ‘Ni se balà Dwata du yóm gel nmò tekuy yóm Dwata laen dù là gbeken du. Deng dnohoen yóm tehe deng monen.’ ”

Isaya 59:21

Ne wen senfasad tekuy, duhen yóm keblayu du kuy yóm dou Tulus ne yóm dou tolok ne laen kô dù tul sónen yóm knóen bélê ye. Ne yó mò kuy fasad do, nbuten ni yóm hol kimón ye do. Yóm kimón ye do yó, hol senflós ye tmolok du bè yó kem ngà ye kkólen bè yó kem angat sfu ye.”

Kun Snulat Jan 12:34

Bnalà le Jisas yó kem tau, mon le, “Yó monen bè Udél Dwata, yóm Misaya, kaem tódô hlós yóm kun klowil, là kóen na a matay. Okóm yóm monem yó, angat hdà le bè yóm kros yóm Ngà Tau. Tau du se yóm Ngà Tau monem yó?”

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Kem Lingón 111:8

Laen kô dù sónen yóm ktahuhen yó kem hlauhen yó mò hol nimón tekuy lemwót lem but blutut tekuy.