Isaya 40:7 - Udél Dwata: Gna Kesfasad ne Lomi Kesfasad

⁷ Mahil menes yóm bnes ne mahil mifù yó kem bulók ke wen lenos hayuf Dwata ebélê le. Hol lómón yó se yóm klowil tau, là kóen té.

Isaya 40:7 Referans Kwoze

Sulat Jim 1:10

Ne yó kem tau hemtahu bè Jisas bong kendengen le, yake hol le hligal, yakà deng heglaan Dwata kul. Abay se yóm klowil le yó kem tau wen kendengen le yó, là kóen té, lómón yóm bulók lem bnes, là kóen legen ktonem du.

Sulat Jim 1:11

Ke mékét etahen nóng kdaw, deng sana menes, ne tódô tbó bulóken, là bud tonem du ne ktiloben. Lómón se yó ne kmò yó kem tau wen kendengen le, kendel le matay igò le tolo tô mebel mò tnuen yóm kendengen le.

Job 4:9

Yó kmò Dwata kul yó kem tau yó, tek olohen myuf kul sana le gotu meglà. Tódô le gotu lana ke sut bélê le yóm kebut Dwata kul.

Job 14:2

Mahil me lemnok ne mahil me se matay lómón yó kem bulók, mahil le menes. Mahil me lana lómón yóm klahil klana yóm olung lobun.

Kem Lingón 90:5

Là kóen legen yóm klowil me lómón ke hkonulem mi bè dunuk, ne lómón ke olo kna yóm klowil me là kóen legen. Kéng tô me bnes lomi sut hlafus,

Kem Lingón 90:6

tilob ktowoken hyu wen bulóken. Timbow kifu bè yó deng sana menes.

Kem Lingón 102:4

Hol lómó kegnómu du, lómón yóm bnes deng menes, là kóen bud mnóm nawahu mken.

Kem Lingón 103:16

Ke nyuf lenos, tódô tekuy kmanas, lómón ke là tekuy tehe nô dini.

Isaya 11:4

Tey tedeng kkukumen kul yó kem tau élél ne nfihen yó kem tau laen dù genbek le. Lemwót bè kun udél gónó le megtafak yó kem tau hemsidek kul ne gónó le matay yó kem tau sidek nmò le.

Isaya 37:27

Yó kem tau menwu bè yó, laen kô dù gmò le. Ya tey sidek klikò le, tódô le teneng. Hol le mkél bè bnes talak tniba duhen ke kluon gel tmowok te ketef, mahil menes sok sut yóm lenos alì mayuf kinì.”

Isaya 40:24

Hol le mkél bè yó kem hulu lomi hanà nbut le tmowok ne dmolil. Tódô le menes ke hayuf Dwata eta le lenos, tódô le mnes ne mung le holis lómón ke lami mékéng.

Hagay 1:9

Tey gel kehdón ye du ke bong yóm gel tbas ye, okóm tek udì uléken. Bè yóm gel kwit ye du eta yóm gel nuta ye yó, mom nyufu hlayuk. Tngón ye kô but gónóhu mò du yóm yó? Abay se sana tolo kegbà yóm dou Gónô, mom hegna hdà ye yóm kuy gónô ne tódô ket tau tendo lala mò du yóm kun gónô.

Kem Lingón 103:15

Yóm klowil tekuy te tonok, mkél bè yó kem bnes. Ne lómón yó kem bulók lem bnes tek likot le mowil sana le matay.