Isaya 40:4 - Udél Dwata: Gna Kesfasad ne Lomi Kesfasad

⁴ Eles henok nlem ye yó kem sbong ne sentunal ye yó kem bulul. Ne sendatal ye yó kem buntud ne yó kem gónón sebsuk, efet tódô mló.

Isaya 40:4 Referans Kwoze

Kun Snulat Luk 3:5

Sendatal ye tu kem gónón lebsong, ne sentunal ye tu kem bululen. Hentedeng ye tu kem gónón kigù, ne sentódô ye tu kem gónón sebesuk.

Kun Snulat Luk 18:14

Tódô tulónu kuy ktahuhen,” mon Jisas, “bè yóm kuléken ebè gónóen nim tau gel mtuk bwis ni, deng baling tedeng kton Dwata du. Fen là kun yóm Farisi yó koni. Yó gónóm mon, yóm tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Isaya 45:2

“Ou he tukô gna kóm. Tódô sentunalu béléem yó kem bulul geta kkólen bè yó kem bulul lemnek. Ne angat genbau béléem yó kem tikeb tembaga le ne tenfoku yó kem bala tók tgel le.

Isikél 17:24

Ne angat tngón yóm kdéen koyu ou se yóm sana Dwata hol gónó mogot mofok du yóm koyu tahà anì mowil yóm koyu ukol ne bud tahà se kun. Ou se hlenes du yóm koyu tolo matak ne bud hlowil yóm koyu deng matay. Ou se yóm sana Dwata hol gónó mogot yóm mudél ni. Angat nmou yóm deng monu.’ ”

1 Samwél 2:8

Nkayen gu lem kfung yó kem tau élél, nwahen lu gu desenfól yó kem tau laen dù kwa le. Suen lu bè gónó le myón yó kem ngà tau hol geta, bè yóm gónó le myón yó kem tau nadat. Yakà ke Dwata du funen yó kem tud blóngón tonok ne tahen gónón hyón du yóm klamang benwu.

Isaya 42:11

Yóm benwu laen hol wen tauhen, dalang se yó kem benwu lemnek nô lemen, hol dóyón ye Dwata. Hol dóyón ye Dwata, yu kem tau nô bè Kidar. Dalang se yó kem tau nô bè syudad Sila, hol ye hligal mensag gu ta yó kem bulul.

Kem Udél Hlalak Tehe Selumun 2:15

ne bè yó kem tau laen kô ken-gel nawam bélê le ne là se tedeng kmò le.

Isaya 40:3

Wen tmaba, yó utóm tum tabahen, monen, “Eles ye mò lan gu lem yóm benwu laen hol wen tauhen mò gónón mlan yóm gónó tekuy mogot. Eles hen-gifat ye yóm lan nmò ye yó mò lolò yóm Dwata tekuy.

Isaya 40:5

Ominen yó he gfan yóm tey kegeta Dwata ne tódô kdéen tau angat gotu mton du. Ni se yóm deng fasad Dwata tekuy.”

Isaya 49:11

Angat wen tey lan lamang nmou hulé bulul eles hentifesu yóm mò lan yó kem dou tau.

Sikaraya 4:7

Baluen ke kbongen bulul he tô hemseng ke Sirubabél, botong sentunalu. Ominen yó, du hemsù du yóm hol són botu mò hdeng yóm dou Gónô ne yóm igoen mò du, angat le gotu mensag yó kem tau, yó tendo sensulit mon le, ‘Hol dóyón tekuy Dwata yóm deng kdeng yóm kun Gónô.’ ”