Isaya 40:2 - Udél Dwata: Gna Kesfasad ne Lomi Kesfasad

² Hol genduf ye lu yó kem tau bè Jirusalim. Tulón ye kul deng geblaen yó ne yóm keglayam le ne deng gotu hnifótu ne yó kem salà le. Yóm deng ktafaku kul, tódô geblà du ne bè kdê yó kem salà tehe gel nmò le.”

Isaya 40:2 Referans Kwoze

Sikaraya 9:12

Ó kem tau negef, deng wen nefet nawa ye ne ni, hol ye bud semfulék ebè yóm sana kuy benwu, yóm benwu gónón laen dù hemen ye. Wen fasadu kuy kemdaw ni, lewu duléku he bud hulék du ebélê ye yóm tóbóngu kuy bè ket keglayam ye.

Isaya 61:7

Là bud wen gónó ye myak ne, ne laen se dù tau bud hemyak kuy. Angat ye tódô henek bè yóm kuy benwu. Tódô sónmoen temnù yóm kendengen ye ne laen kô dù sónen yóm kligal ye.

Husiya 2:14

Yó bud udél Dwata, monen, “Okóm ni, naw bud n-goy sulék, nwitu etu bè yóm benwu là hyu menwu du, naw bud hninggel stulón du.

Deng Hegfan 18:6

Nmò ye béléen yóm sidek tehe gel nmoen bélê ye, bede hol hegulé ye yóm kbeles ye du. Hinum ye du yóm ninum alì lóbô senta yóm tehe gel hinumen kuy.

Isaya 44:22

Yóm kkóhu du bélê ye yó kem salà ye hol lómón ke muku lobun kmou du. Bud ye semfulék ebéléu dé, ou se yóm lemwà kuy.

Isaya 43:25

Igoen ou yóm Dwata tódô hmifót yó kem salà ye. Yó gónóhu hmifót du abay se ou se Dwata. Là kô bud snolou du bélê ye ne yó kem salà ye.

Hbakuk 2:3

Okóm yóm htonu kóm ni, olohem na smulat du abay se là deng ni du he ksuten, bede angat hol dohò. Ke malù legen ksuten, nahem hol nangat, abay se ke deng kól yóm kdawen, là kóen ganggà.

Jirimaya 29:11

Yakà dengen wen kem dou atul bélê ye, hono kem atul hyu, là kô gfà du, kem atul hyu bè klowil ye elem hulin kdaw mò nefet nawa ye.

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Kul Nmò 1:7

Bnalà Jisas lu, monen, “Deng eles tngón Mà yóm kdawen mò du bélê ye yóm snólók ye yó, abay se tek sónen du yóm wen kwalisen mò du. Laen dù tagad kuy hentngón du he.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Glasya 4:4

Okóm yóm kehto yóm buteng deng tehe fét Dwata, tódô hógówen yóm hol kun Ngà mò na a hbaling ngà tau, bede nan sut bè libun. Bè yóm deng kbongen nim Ngà ni, tódô gotu loloen yóm kum hlau kem tau Ju.

Isaya 49:25

Yó bud udél Dwata, monen, “Okóm yó se angat dou nmò. Angat lenwau lem hólól yó kem sendalù yó kem knukub le. Gotu nwahu yó kem kimu deng negef yóm tau hol geta alì lóbô. Gotu senfatayu yó kem tau semfatay kuy ne lenwau yó kem ngà ye.

Isaya 33:24

Laen kô dù tau bud gemnóm des bè benwu tekuy ne gotu hnifót Dwata yóm kdê salà tekuy. Là gomongen bè nili yóm tsaptér 34. Yó tulónen yóm kmò ktafak Dwata yó kem but tau talak tonok bè yóm gotu keglaen kul. Bè yóm ktafaken kul yó, tódô kmanas yóm longit ne gotu btang yó kem blotik. Bud tulónen yóm alì ksidek kegbà Dwata yóm benwu Idom ne keglaen yó kem tau bè yó lemwót bè yó kem sidek deng nmò le bè yó kem kun tau Israél. Laen kô dù tau bud menwu bè Idom. Yó kmò Dwata du yóm benwu yó mò gónó le nô yó kem ógóf lem bnes ne yó kem onuk bnes kól bè laen dù tul sónen.

Kem Lingón 32:1

Hligal le kul yó kem tau deng hnifót Dwata bélê le yó kem salà le, ne ke là bud hendem Dwata du yó kem deng tehe gónó le mulé du.

Sikaraya 1:15

Okóm yó du kem tólóng benwu laen dù hemen le ne menek kbenwu le, tey kebutu kul. Yóm kebutu yó kem dou tau, olon udì. Okóm yó du kem tólóng benwu, tey gulé ktafak le kul.

Danyél 12:9

Okóm yó balaen do, monen, “Yó ne, Danyél, henlósem mò du yóm gel nmoem. Là tagaden dohò he ni kem ni ke là nan na sut yó kem hol són kdaw.

Danyél 12:4

Okóm kóm, Danyél, hol bunihem yóm deng tngónem ni. Hol nmoem dketen yóm lenulun deng gónóm smulat du efet nan ne kól yó kem hol són kdaw. Tey dê kem tau elem hulin kdaw sónmò le mógów na le e smólók anì temnù yóm gel tngón le bè yóm gel sut e lem blóng le.”

Danyél 9:12

Deng dnohoem yóm deng tehe eles udélem eta me ne eta yó kem gónó me galak, duhen yóm kehwitem ebélê me yóm tey glumfak bong. Bè kdê yó kem dumu benwu dini talak tonok, laen dù bélê le deng gmumfak du he yóm glumfak Jirusalim ni.

Danyél 9:2

bè yóm tanay halay kogoten yó, ou se Danyél hemnagì du yóm udél Dwata deng hsulaten yó kem tugoden. Wen tonu bè yóm kun snulat Jirimaya yóm sotu tau tugod yóm sana kum Dwata hol gónó mogot. Yó tonu hitu folò halayen deng kegenen gbà yóm benwu Jirusalim.

Jirimaya 17:18

Yóm kdê tau tendo hmayam do ni, hol henyakem lu ne hol benlayem lu klikò. Okóm benlayem ou kenek nawa yó dum do. Tahu se, Dwata, hol tennuem yóm hegfaem kul.

2 Tutul Israél 30:22

Tey kdóyón Hisikaya kul yó kem sfu Libay bè yóm tey dê kenhulung hegfan le bè yóm kmò le nmò bè Dwata. Duhen yó, hitu kdaw le mò du yóm kehligal yó. Dsù le yóm dsù mit sefyu ebè Dwata, ne gotu benkas yó kem tau ebè Dwata yó kem salà le bè yóm Dwata yó kem tehe fù le.

Tekang Kbuten 34:3

Okóm tey kbong nawa Sékém ke Dina yóm ngà Jakub libun yó. Tey kehlinggelen stulón du anì wen nawa Dina ebéléen se kun.

Isaya 6:7

Lemwót yóm bala ofi nwiten, duen bè sumóngu ne yó udélen ebéléu, monen, “Lemwót bè yóm kduu bè sumóngem ni deng mkó tahem ne yóm hen-gselem yó. Ne deng gotu hnifót Dwata ne yó kem salaem.”

Isaya 14:3

Angat henwós Dwata ta yó kem tau Israél yó kem tey dê gónó le glayam ne yó kem nmò alì blat gel hmò le kul.

Isaya 53:5

Okóm tódô lemwót bè salà tekuy yóm gónón hnalì yó. Ne lemwót bè ksidek nmò tekuy gónó le alì hemsidek mfes du. Fen tekuy tódô hyu lemwót bè yóm alì sidek ktafak le du. Gotu mkó ta tekuy yóm kdéen sidek lemwót bè yóm alì sidek kfes le du.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Isaya 54:15

Ke wen tô muluk kuy, là kóen lemwót béléu. Ke wen tau tô semfatay kuy, laen kô dù gmò le bélê ye.

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Sikaraya 1:13

Timbow deng knihen, ominen mudél ebè yóm hógów Dwata gel stulón do, hono yóm udél mò temgel nawahen.

Kem Lingón 85:3

Là bud lenbutem kul ne. Laen dù sfuhen yóm tey sidek kebutem.

Kehedem Tau Tmolok 3:4

Wen se kdaw mkik ne wen se kdaw kmuli. Wen se kdaw langag ne wen se kdaw madal.

Husiya 2:16

Bud mon Dwata, “Ó kem tau Israél bè yóm kdaw yó, yó angat bud taba ye do ‘tuha logihu.’ Là bud tnaba ye do ‘ogotu.’

Sifanaya 3:15

Deng nmò Dwata sónen ne yóm ktafaken kuy ne gotu lohen yó kem hohon ye. Tódô nô bélê ye ne Dwata yóm hol geta bè Israél ne laen kô bang bud knikò ye ne.”