Isaya 40:10 - Udél Dwata: Gna Kesfasad ne Lomi Kesfasad

¹⁰ Móyónen kól ne yóm Dwata hol dandónen geta gónó tekuy mogot ne ya tey kfasangen bè yóm kogoten. Angat gotu nwiten yó kem tau deng lenwaen.

Isaya 40:10 Referans Kwoze

Deng Hegfan 22:12

Ne yó bud udél Jisas, monen, “Ngem móyóne bud kól ne. Wen ofol eles nwitu mò blayu yó kem tau mò balà yóm tehe kul gel nmò, yóm ket kul na sotu.

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Isaya 49:4

Okóm dou, botong monu, “Tey kmou du yóm hmò Dwata do, okóm laen dù gónón e kól. Tódô hotuhu gelu, okóm laen dù gendengu.” Bede tey ksaligu yóm kfi Dwata yóm deng hmoen do. Angat wen ofol blayen dou bè yó kem gel nmou.

Isaya 59:15

Laen kô bud tonem ke wen tau lemolò du yóm ktahuhen. Ke tói hlayuk bè yó kem sidek, mom henayam le uu yó kem tau gel mò sidek.” Deng gotu ton Dwata yó kem sidek deng nmò le yó ne tey sidek kegnómen du abay se là tedengen yóm kukum nwit le.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.

Kun Snulat Jan 12:15

“Bê ye hlikò, kem tau bè Sayun. Ngem yó dém tau hol geta bélê ye. Deng sut, ne smakay ngà nati asnu.”

Kem Lingón 110:6

Gotu tnafaken yó kem tau bè yó kem benwu, ne tey dê tau hnatayen. Gotu genlaen yó kem malak bè klamangen benwu.

Hibru 2:14

Yó kem ngà mon Jisas yó koni, kem tau te tonok se yó, wen unged le ne wen litô le. Ne ke Jisas kun, hbaling tau mkél bélê tekuy. Yó gónón mò du anì fen matay bélê tekuy. Lemwót bè yóm katayen yó mò lanen gemlà ke Seitan, yóm fen mogot yóm hatay.

Kun Snulat Jan 12:13

Gotu le ma doun twok mò nit le semlong ke Jisas. Gotu le mensag, mon le, “Hol dóyón tekuy dé Dwata. Dwata he hol tmóbóng du yóm tau deng hógówen ni. Dwata he hol muyag du yóm tau hol geta bélê tekuy kem tau Israél.”Ne wen ton Jisas yóm sotu kay kudà boluyen asnu, ne nyónen. Yó se deng gónón dohò yóm tehe mon Dwata bè Sulaten, yóm monen,

Isaya 53:12

Duhen yó, mon Dwata, angat tey kehegetahu du lem blóng yó kem tau alì tótól ne alì mfasang. Là kô nalihen du klowilen, deng gnómen yóm kul kegtafak yó kem tau mò sidek. Yóm katayen yó mò leyu lówó yóm kdéen tau gemsalà, lelen mni béléu anì hnifótu bélê le yó kem salà le.”

Kem Lingón 66:3

Mon ye mò ke Dwata, “Tey hentaw me yó kem deng nmoem. Lemwót yó kem hohonem, gotu le likò bè yóm tey kegbekem.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Isaya 28:2

Ngem wen tau deng eles nélék Dwata alì kemgis mò na a mundug kul. Bè yóm kundugen kul yó, angat hol lómón ke tbó eta le yóm tey bulók kulón ne lómón ke sut yóm hol klambaden kulón bong ne lómón ke sut yóm tey dunuk mamà glumfak elem benwu.

Isaya 33:2

Ó Dwata, hol knoduhem mi, són uu se nefet nawa me. Hol kenlungem mi ket kdaw. Lenwaem mi ke wen gfà me.

Isaya 59:16

Ya tey ketngahen abay se laen dù tau tonen mò tmóbóng yó kem tau gel nongò le, bà sotu. Yó gónóm mon, tódô lemwót bè kun kfasang gónón lemwà kul ne gónón gemmò bè yó kem hohon le.

Isaya 59:18

Bè yóm kbelesen kul, tódô tnafaken yó kem hohonen lemwót bè yó kem sidek tehe gel nmò le. Baluen he ke nô le bè benwu mayuk, sana ktafaken kul.

Isaya 63:5

Tey ketngahu du yóm ktonu du laen dù tau tmóbóng dou. Okóm mom yó bemlay do kgis yóm lebutu, botonge gemmò bè yó kem hohonu igoen són ou.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Jirimaya 31:16

Okóm ni, bud wen udél Dwata, monen, “Bê ye abay bud mkik, yakà wen yóm ofol blayu kuy. Angat le bud semfulék ebélê ye yó kem ngà ye lemwót le gu bè yóm tey benwu mayuk yó kem hohon ye.