Isaya 37:3 - Udél Dwata: Gna Kesfasad ne Lomi Kesfasad

³ Yó udél hwit Hisikaya ebè Isaya, monen, “Ni se yóm kdaw alì keglayam tekuy, yóm kdaw ktafak Dwata tekuy, yóm kdaw alì ksidek kyak tekuy. Hol lómón ke tekuy yóm libun kmuleng blututen, okóm laen kô dù kgisen hesut du yóm ngaen.

Isaya 37:3 Referans Kwoze

Husiya 13:13

Deng wen lan le bud mowil yó kem tau Israél, okóm là móyô le du. Tey le nungel. Hol le mkél bè yóm ngà móyón sut gu lem blutut yéen, là dogen gewà gu lem balayen.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

2 Bok Kem Tau Hol Geta 19:3

Yó htulónen kul bè Isaya, mon le, “Ni se udél Hisikaya, monen, ‘Ni se yóm kdaw tekuy glayam, kdaw le hemnê tekuy, ne kdaw le hemyak tekuy. Hol tekuy mkél bè yóm ngà móyón sut, okóm là gbek yéen hesut du.

Isaya 33:2

Ó Dwata, hol knoduhem mi, són uu se nefet nawa me. Hol kenlungem mi ket kdaw. Lenwaem mi ke wen gfà me.

Kem Lingón 95:8

“Hol bê ye hgel kulu ye. Bê ye hkél bè kgel kulu yó kem tehe fù ye ekni bè yóm tehe knô le bè yóm benwu Miriba. Ne senged snéen yóm tehe knô le bè Masa, bè yóm benwu laen hol wen tauhen.

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

2 Tutul Israél 15:4

Okóm ke wen hlayam le, hnebel le Dwata yóm Dwata yó kem tau Israél, ne henmóyóen lu.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Husiya 5:15

Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Jirimaya 30:7

Móyónen kól ne yóm kdawen wen tey glumfak, kdaw laen dù bud gónóm e hmingón du, kdaw le hol glayam yó kem dou tau Israél, okóm bè hol sónen gewà le.”

Isaya 25:8

Ne nmoen sónen yóm hatay yóm Dwata hol dandónen geta. Tódô gotu nifuhen lewok bè mata yóm kdê le ne gotu kóhen bè yó kem tauhen bè klamangen benwu yóm gónó le gel myak. Yó se hol kun udél yóm Dwata hol gónó mogot.

Isaya 26:16

Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

Husiya 5:9

Là hewum du kem tau Israél, kesok kól yóm kdaw ktafaku kóm, angat ye meglà.