Isaya 37:2 - Udél Dwata: Gna Kesfasad ne Lomi Kesfasad

² Wen kem tau dóken ebè yóm sotu tugod Dwata boluyen Isaya ngà Amus. Yó boluy yó kem tau dóken, Ilyakim yóm mogot gónô bongen ne Sibna yóm fen gel smulat yóm gel nmò le ne wen bè yó kem tuha gel demsù ebè Dwata mung kul. Gotu le lemsek nes sakù snéen kul.

Isaya 37:2 Referans Kwoze

Isaya 1:1

Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

Juwél 1:13

Yu kem tau gel blóng ebè Dwata, mnes ye sakù. Hlangag ye, yu kem gel mò nmò bè gónó demsù. Géhél ye ne, yu kem tau gel mò nmò bè Dwata, suloy ye buteng mnes sakù. Laen kô dù bud halay ne tifas grép blay ye ebè Gónô yóm kuy Dwata.

Isaya 37:14

Timbow gefet bè Hisikaya yóm sulat yó koni, ominen semfala du. Deng kesfalahen du tódô nwiten ebè Gónô Dwata, hlasaen bè yó bè solu Dwata,

Isaya 36:3

Wen tlu tau lemwót bè Juda semlong kul. Yó boluy le, Ilyakim ngà Hilkama yóm mogot yóm gónô bong gónón nô yóm tau hol geta bélê le. Ne yóm gewuhen, Sibna yóm tau gel smulat yóm gel nmò le. Ne getluhen, yóm sotu tau boluyen Juwa ngà Asaf yóm tau fen gel mogot du yóm kdê deng snulat le.

2 Tutul Israél 20:20

Hol hlafus hayahen bè yó, gotu le btik yó kem sendalù Juda, mógów le ebè yóm benwu laen hol wen tauhen bè Tikuwa. Bè yóm hanà knô le bè lan, htengen mdà Jihusafat, ne yó udélen ebè yó kem tau, monen, “Ó kem tau Juda ne kem tau bè Jirusalim, hnungol ye ou yóm kdê ye. Hentahu ye Dwata yóm Dwata hol kuy gónó mogot, anì mbegel ye. Hentahu ye yó kem tugoden anì wen gónón e kól yó kem nmò ye.”

2 Bok Kem Tau Hol Geta 19:2

Ominen hógów kul le Ilyakim yóm tau mogot yóm gónô bongen, ne Sibna yóm fen gel smulat bélê le bè kukum, ne yó kem tmuha gel malak yó kem tau gel blóng ebè Dwata, bede hono le mnes sakù, hógówen lu ebè Isaya yóm tugod Dwata ngà Amus.

2 Bok Kem Tau Hol Geta 18:18

Omin le htaba ke Hisikaya, okóm mom hógówen yó kem tlu genlalen mò semlong kul, duhen Ilyakim ngà Hilkaya yóm fen mogot yóm gónô bongen, ominen Sibna yóm tau gel smulat bélê le bè kukum, ne getluhen Juwa ngà Asaf yóm fen gel hemyu yó kem kdê deng gel snulat le.

Isaya 37:21

Bè yóm kdaw yó, lemwót Isaya hwiten ebè Hisikaya yóm balà Dwata du yóm hnihen béléen yó koni.

Istér 4:1

Timbow tngón Murdikay nim ni, tódô kentóhen yóm nes bè lówóhen ne tles bud leseken nes sakù lemwót bè yóm alì sidek khéét kegnómen du. Tódô tenfengen kohù kuluhen ne mógów lem yóm syudad yó, tódô hendlaen lemanu