Isaya 33:6 - Udél Dwata: Gna Kesfasad ne Lomi Kesfasad

⁶ Tey kehbegelen yóm kbenwu le ne tendo gel nofinen yó kem tauhen. Benlayen lu khulung hedem ne ketngón. Yó hol mebtes du yóm blayen kul, duhen yóm klikò le du.

Isaya 33:6 Referans Kwoze

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Kem Udél Hlalak Tehe Selumun 19:23

Yóm klikò tau ke Dwata gónón mowil ne hyu ktungóen ne laen dù hemenen.

1 Timuti 6:6

Yóm tau tahu yóm kehtahuhen deng gsengel nawan du yóm deng nô béléen.

Kem Udél Hlalak Tehe Selumun 14:27

Yóm klikò tau ke Dwata gónó le tendo lemowil anì gkogol le yó kem nmò mit kul e lem hatay.

Kem Lingón 28:8

Yóm Dwata, gel nofinen yó kem kun tau, ne gel hatuen yóm tau hol geta deng kun nélék.

Kem Udél Hlalak Tehe Selumun 28:2

Sok heguluk yó kem tau lem yóm benwu, són moen se stólóng tau stufì mogot du, okóm mbegel yóm benwu ke hulung le temnef ne temngón yóm tau mogot du.

Kem Udél Hlalak Tehe Selumun 15:16

Mom hyu he yóm tau ke laen hol gónón ma ke wen klikoen ke Dwata, senta yóm tau alì bong kendengenen mit du glayam.

Kem Lingón 140:7

Ó Dwata yóm hol dandónen geta, yóm alì kemgis lemwà do, deng gel kenlungem o bè yóm kdawen wen gida.

Kem Lingón 45:4

Mlan bè kegetahem, kmudai mit kegmò. Nfihem yóm ktahuhen ne yóm kukum tedeng. Sigel kwananem mò du yó kem hentaw ton.

2 Kurin 6:10

Baluen ke wen gónón gel blat nawa me, sal gel wen gónó me hligal snéen. Tey me élél se kum, okóm lemwót bè yóm ktolok me tey dê tau gemwa du yóm kendengen laen dù tul sónen. Laen dù kwa me se kum, okóm tódô gotu gfun me kdéen.

Kem Udél Hlalak Tehe Selumun 29:4

Yóm tau hol geta tedeng kogoten benwu baling mbegel yóm benwu nogoten, okóm ke són sen-galuhen kwa tau nawahen, hebaen yóm benwu nogoten.

2 Bok Kem Tau Hol Geta 18:7

Tendo nô béléen Dwata, ne ket nmoen sal wen uléken. Natuen yóm tau hol geta bè Asirya, là móyóen mayad du yóm gel hbayaden kul.

Kem Udél Hlalak Tehe Selumun 14:26

Yóm tau kmikò ke Dwata wen gónón smalig ne hyu knóen, dalang se yó kem ngaen.

Isaya 11:9

Bè yóm bulul Sayun yó yóm kun bulul Dwata, là kô wen tonem fen hemsidek bè yó, tódô hono hyu kdéen. Bè klamang yóm benwu yó, laen kô dù tau tonem là temngón ke Dwata. Yóm ketngón le ke Dwata tódô lengeben yóm klamang benwu le, hol lómón yóm mohin tódô tfeng él. Là gomongen bè nili yóm bérs 10 kól bè 16. Yó htulón Dwata ke Isaya bè ni kem bérs ni, yóm kmoen bè yóm kdaw deng monen yó koni, yóm gotu bud kógów yóm kdéen but tau talak tonok ebè yóm ból tehe Dabid, duhen yó yóm Misaya, yakà teyen knóón yóm kun benwu. Yó monen bè bérs 11-13, “Bè yóm kdaw yó, ni se yóm gewuhen dulék bud kehfulék Dwata ebè benwu le yó kem tau dù tebel. Gotu bud sentifunen lu yó kem tau Juda deng sekla ebè són tonok. Ominen yó he tódô lana yóm ksélés nawa yó kem tau Israél ne yó kem tau Juda. Là bud le sfatay ne honon lu. Gotu senlomong le yóm kdê sendalù le,” ne gotu nundug le yó kem benwu lenwóten fi dmata kdaw kól desdef. Gotu nwa le kdê kem tonok bè yó kem tau bè Idom ne Muab ne Amun.

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Isaya 33:20

Tenngel ye dé yóm benwu Sayun, yóm syudad gónó tekuy gel mò du yóm kehligal ebè Dwata. Ne tenngel ye yóm benwu Jirusalim, angat tey menek menwu du. Hol lómón ke yóm kamfù là bud nili du. Yó kem htegen, là kô le bud kdut ne yó kem féten là kô le bud hto.

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Job 4:6

Là mgel nawahem du kô yóm tendo gel klikoem ke Dwata? Ne yóm kgulit nawahem, là yó du kô nefet nawam bè yóm któbóng Dwata kóm?

Kem Udél Hlalak Tehe Selumun 2:5

Ke ni se yóm kmoem du, yó he kegetnefem du yóm klikò ke Dwata ne ktonem du yóm kesetngón ke Dwata.

Kem Udél Hlalak Tehe Selumun 14:24

Yóm kun kendengen yóm tau hulung hedem duhen yó se yóm ofolen, okóm yóm tau book olon tótól bè yóm kbooken.

Isaya 32:17

Lemwót bè yóm kmò le tedeng yóm kdê le, angat tey menek kbenwu le ne laen kô dù tul sónen yóm klaen dù knikò le.

Isaya 32:18

Yó kem tau Dwata, angat laen dù bud tnafa nawa le. Tódô menek lem yóm kul gónô nô, laen dù bang knikò le.

Jirimaya 31:34

Là bud tnolok le kul ne yó kem dumu le sebét ne yó kem fes lówó le ke mon le, ‘Yake hol tngón ye Dwata.’ Abay se angat tódô kdê le temngón dou lenwóten bè leneken kkólen bè lebangen. Angat gotu hnifótu yó kem sidek deng nmò le ne là kô bud hendemu du ne.”

Hbakuk 2:14

Okóm angat wen kdawen tódô kdéen tau talak tonok angat gotu temngón du yóm tey kun keklóón Dwata. Yóm ketngón le du yó, tódô lenngeben klamangen tonok lómón mohin, tódô lengeb él.