Isaya 33:4 - Udél Dwata: Gna Kesfasad ne Lomi Kesfasad

⁴ Gotu kendel nuku me yó kem kimu gtebel le.

Isaya 33:4 Referans Kwoze

Juwél 2:25

Yó udél Dwata, monen, “Angat bud huléku ebélê ye yó kem hulu ye deng namà yó kem tey tlangas mfól lem yóm hilu halay. Ou se tehe hemwit du ebélê ye yó kem tey tlangas mfól alì hmayam kuy yó.

Juwél 2:9

Tey ketlasik le husek elem yóm syudad, gotu le hkak ta yó kem bengen. Gotu le mkaf elem yó kem gónô, mlan le tembó beng lómón khusek tau mnagaw.

2 Tutul Israél 20:25

Tódô mógów ebélê le etu Jihusafat mung du yó kem sendaluen anì na le e nwa yó kem safì le. Tey ngom sfatay yóm ton le, lel yó kem tey nes, ne yó kem dumu kimu wen btesen, botong là gbek le mit du. Tey kimu wen nwa le bélê le, botong tlu kdaw le semtifun kul.

2 Tutul Israél 14:13

Ngang Asa ne yó kem sendaluen kemtes kul efet kól etu bè Girar, ne ya tey kwen yó kem sendalù Ityupya matay. Duhen yó, là kô bud gbek le semtifun kul yó kem dumu sendalù Ityupya ke mò tô mundug ke Asa. Genlà Dwata lu ne yó kem sendaluen, ne ya tey kwen negef yó kem sendalù Juda.

Isaya 33:3

Ke uu yóm gel mung kum bè gida, tódô le gotu mlóy yó kem hohon me ke gungol le yóm tey uni sfatay.

Isaya 33:5

Tey kegetahen yóm Dwata. Gotu knamalen yóm klamangen. Gotu blayen bè Jirusalim yóm ktedeng kogot le kukum ne yóm klaen dù kéng yó kem tau malak bè yó.

Juwél 1:4

Tódô le stufì sut yó kem tey tlangas mfól. Yóm dù tebel yó kem tlangas gna sut, bud ken yó kem tlangas tmodol sut, ngangen efet laen dù bud tebel, tódô gotu mimot kdéen.

Juwél 2:3

Hol lómó kmò le hol lómón kken ofi. Tukô gna le, hol lómón ktiloben hungul Idin ktonem du. Okóm tukô huli kul deng tódô mló, laen kô dù tonem tebel.