Isaya 33:2 - Udél Dwata: Gna Kesfasad ne Lomi Kesfasad

² Ó Dwata, hol knoduhem mi, són uu se nefet nawa me. Hol kenlungem mi ket kdaw. Lenwaem mi ke wen gfà me.

Isaya 33:2 Referans Kwoze

Isaya 59:16

Ya tey ketngahen abay se laen dù tau tonen mò tmóbóng yó kem tau gel nongò le, bà sotu. Yó gónóm mon, tódô lemwót bè kun kfasang gónón lemwà kul ne gónón gemmò bè yó kem hohon le.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Kem Lingón 60:11

Hol tnóbóngem mi dé semfatay yó kem hohon me, abay se yóm kun któbóng yóm tau, laen kô dù gónón e kól.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Kem Lingón 62:1

Tódóe htinof mangat ke Dwata, abay se lemwót béléen yóm dou kegewà.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Kehewà 14:27

Tahu se, tayal Musis eta mohin sigelen. Timbow btù mata kdaw tódô mulék bè sana kun knelem yóm mohin yó. Lemwót yó kem tau Idyip, tey tô kehlóy le du yóm él yó, okóm mom tudà Dwata lu elemen.

Husiya 14:2

Semfulék ye ebè Dwata dé, ne mon ye mò du, “Hol hnifótem kum kdê yó kem sidek deng gel nmò me ne bud henmóyóem mi anì bud dóyón me u. Yóm kdóyón me kóm yó, hol lómón ke wen deng dsù me ebéléem.

Lanu Jirimaya 3:23

Là gbekem hmingón du yóm tey kteneb Dwata bélê tekuy. Yóm kkoduhen tekuy, ket hlafusen tendo lomi.

Jirimaya 14:8

Tek són uu se yóm nefet nawa me kem tau Israél. Tek són uu se yóm gembek lemwà kum bè yóm gónón wen hlayam. Moen de ke lómón ke tauhi milo bè benwu me, lómón ke tauhi mógów tek suloyen?

Isaya 40:10

Móyónen kól ne yóm Dwata hol dandónen geta gónó tekuy mogot ne ya tey kfasangen bè yóm kogoten. Angat gotu nwiten yó kem tau deng lenwaen.

Isaya 26:16

Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

Isaya 26:8

Tendo gel lolò me yóm kóm kóyô bélê me, són uu yóm nefet nawa me. Laen kô dù dumu sen-galu nawa me sónen u.

Isaya 25:4

Yó kem tau élél ne yó kem tau laen dù genbeken deng le gotu mlo ebéléem ne laen kô hemen le bè yóm gel kesbeweg benwu le. Uu se gónó le heklung bè yóm lenos bong ne bud uu se gónó le e hgolung bè yóm tey sidek ékét kdaw. Yó kem tau alì hemsidek kum hol lómón ke lu yóm lenos bong

Kem Lingón 123:2

Yóm klengalau ni, hol lómón ke yóm ngà logi gel tóbóng lówó, sónmoen lengalà ebè yóm gónóhen mogot, duhen ke yóm ngà libun gel tóbóng lówó, sónmoen lengalà ebè yóm gónóhen mogot se kun. Lómón yó se kum klengalà ebéléem, Dwata yóm hol kum gónô mogot, nangat me yóm kkoduhem kum.

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kem Lingón 90:15

Tey bong yóm keblat nawa deng blayem kum ekni bè yóm tehe igò me glayam. Hol lómón yó dé bud kbongen yóm kligal tles bud blayem kum ni.

Kem Lingón 62:5

Tódóe htinof mangat ke Dwata, abay se són du dou nefet nawa.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Kem Lingón 46:5

Bè yóm syudad yó, yó se kun gónó nô Dwata, ne laen kô gembek gembà du yóm kun benwu. Hanà hlafus deng sana sut na a tmóbóng.

Kem Lingón 37:39

Tólóng kul yó kem tau hyu kmò le, sal gel lenwà Dwata lu. Gel kenlungen lu ke gel wen gfà msut.

Kem Lingón 25:3

Laen kô dù gónón myak kun yóm tau smalig béléem, okóm yó myak yó kem tau snukaten kem dumun tau.

Kem Lingón 143:8

Hol hfungolem do hlafus yóm là konolen yóm kbong nawam do, yakà són uu genléd nawaw. Tolokem do yóm nóyô hlanem do, yakà són uu du gónóhu mni.

Kem Lingón 27:1

Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.

Isaya 37:3

Yó udél hwit Hisikaya ebè Isaya, monen, “Ni se yóm kdaw alì keglayam tekuy, yóm kdaw ktafak Dwata tekuy, yóm kdaw alì ksidek kyak tekuy. Hol lómón ke tekuy yóm libun kmuleng blututen, okóm laen kô dù kgisen hesut du yóm ngaen.

Kem Lingón 33:22

Ó Dwata, hol béem abay nmò sónen yóm kbong nawahem kum. Sónen uu se yóm nefet nawa me.

Isaya 8:17

Deng henbnos Dwata yó kem tauhen, okóm dou sana ksaligu du ne són du ken-gel nawahu.