Isaya 33:12 - Udél Dwata: Gna Kesfasad ne Lomi Kesfasad

¹² Angat ye gotu musok hol lómón knò ye yó kem botu metlohò ne hol lómón yó kem ngà koyu semnual gel dnutung bè ofi.

Isaya 33:12 Referans Kwoze

Isaya 27:4

Là bud lenbutu du yó kem huluhu. Ke wen tonu ngà koyu semnual duhen ke wen kluon semnual tô hemsidek du, tódô gotu ntemu lu he.

Amus 2:1

Yó bud udél Dwata, monen, “Deng tendo sensulit le mò sidek yó kem tau bè Muab, là kô gbeku du ke là tnafaku kul. Gotu genbà le yóm lebeng yóm tau hol geta bè Idom ne gotu dnutung le kem tiolen efet baling kohù.

Isaya 37:36

Bè yóm kifu yó, wen sotu hógów Dwata gu bè longit ebè yóm kul kamfù yó kem sendalù Asirya. Botong lematu bud wolu folò limu libu sendalù Asirya hnatayen. Bè yóm deng kwasen tódô hgasà kem sendalù, deng le gotu matay.

Isaya 10:17

Yóm Dwata kul layag yó kem tau Israél, du se angat baling ofi. Tódô dmilóf yóm Dwata yó kem tau Israél yóm Dwata laen kô dù belenen. Tek sendawen mken du yóm kdéen. Balù yó kem alì semnual gotu mlób.

Kem Lingón 118:12

Yó kem hohonu yó, lómón tô le yê nuhag, deng le gotu lememek hilolu. Okóm lómón tô le loob mékéng ke mton ofi, là kóen legen. Gotu genlau lu mlan bè kfasang Dwata.