Isaya 33:1 - Udél Dwata: Gna Kesfasad ne Lomi Kesfasad

¹ Deng le gotu golu elem hatay ne yó kem hohon tekuy. Deng tey wen hennagaw le ne tey wen gel snukat le, balù yóm klaen dù tau deng mnagaw bélê le ne laen dù tau smukat kul. Okóm yóm knagaw le yó ne yóm gel ksukat le wen sónen. Ne bud wen se hennagaw le bélê le ne smukat kul.

Isaya 33:1 Referans Kwoze

Matyu 7:2

Bè yóm gel kmò kehedeng ye yóm kul kmò kem dumu ye, bud lómón yó se angat kmò kehedeng Dwata du yóm kuy kmò. Yó se nmò ye bè yó kem dumu ye, bud yó se angat nmò Dwata bélê ye.

Deng Hegfan 17:17

Yó gónó le mò du yóm yó, abay se monem tódô nmò le yóm deng kun kehlan du bélê le Dwata. Angat tódô sensotu Dwata kehedem le anì tódô gotu blay le bè yóm lóbô yó yóm glal le mogot benwu. Ni se angat gónóhen e dohò yóm deng tehe kun olu du Dwata.

Isaya 10:12

Okóm yó udél Dwata, monen, “Sok deng yóm nmou bè yó kem dou tau bè bulul Sayun ne bè Jirusalim, angat tnafaku yóm tau hol geta bè Asirya bè yóm alì keheklabaken ne kehegetahen.”

Deng Hegfan 13:10

Yóm tau ke deng olu Dwata du kenfô, dohò kenfô se yó. Ne ke deng olu Dwata yóm sotu tau matay bè sudeng, dohò matay bè sudeng se yóm tau yó. Yó gónóm mon, tey bong muhen yóm khulung le hbala yó kem kun tau Dwata, ne ke là monolen yóm kehtahu le.”

Deng Hegfan 16:6

yakà dengen gamà litô yó kem tau hemtahu béléem ne yó kem tehe tugodem lan le monok kul. Yó gónóm mon, gotu hinumem kul litô yó kem tau monok yó. Bong knóón bélê le nim tafakem kul ni.”

Kmukum 9:23

Yó nmò Dwata, senbewegen kehedem Abimélék ne yó kem tau bè Sékém, ne yó nmò yó kem tau bè Sékém senfatay le Abimélék.

Isaya 14:25

Yó angat nmou, genlau yó kem tau Asirya bè dou benwu Israél. Angat gotu ndau lu elaan bè yó kem dou bulul. Angat kóhu bè yó kem dou tau yóm blat alì htihang le kul yó kem tau Asirya. Angat henwósu bélê le yó kem blat tendo gel hbô le kul.

Isaya 31:8

Angat meglà bè gida yóm benwu Asirya hohon ye, okóm là lemwóten bè kgis tau. Angat le gotu mlóy gu bè gida yó kem sendalù Asirya. Ne yó kem lomi lemnok bélê le angat le gotu baling hesek.

Kem Udél Hlalak Tehe Selumun 22:23

Yakà Dwata du mdà du béléen yóm kun sentulón ne hensideken klowil yóm tau hemsidek yóm tau élél.

Sifanaya 3:19

Bè yóm kdaw yó, tey angat sidek ktafaku kul yó kem tau gel hemgnok kuy. Lenwau yó kem tugô bélê ye ne gotu bud sentifunu yó kem tauhu deng sekla. Kóhu bélê le yóm tehe kyak le, tlesu du yóm gónó le megdóyón. Angat tey kadat le kul bè klamang yóm benwu tehe gónó le myak.