Isaya 32:9 - Udél Dwata: Gna Kesfasad ne Lomi Kesfasad

⁹ Yu kem libun mahil klowilen, laen dù gel tnafa nawa ye se kuy, hol hnungol ye yóm tulónu kuy ni.

Isaya 32:9 Referans Kwoze

Matyu 13:9

Omin Jisas bud mon du mò kul, “Yóm tau wen klinguhen, hol hmungol.”

Sifanaya 2:15

Yó se angat glumfak syudad Ninibi, yóm syudad alì heklabak mon du, “Bè kdéen syudad talak tonok, laen kô dù mkél dou bè yóm alì kfasangu.” Okóm ni, nam tenngel yóm tey ksidek kegbaen, baling benwu gónó le nô yó kem ógóf lem bnes. Kihu tau mlan bè yó gotu kemyà du ne tódô le gotu hising.

Kmukum 9:7

Timbow gungol Jutam nim nmò le ni, yó gónón mneged eta Bulul Girisim hgelen udélen, monen, “Ó kem tau bè Sékém, hol hnungol ye ou anì hnungol Dwata yu se kuy.

Dwata 28:56

Dalang se yóm libun boi alì hulung kmodu kem dumuhen ni kmoen ni, yóm libun là gelen mógów tmonok, bè yóm kdaw yó baling sidek kmoen se kun bè yóm yehenen deng kenbong nawahen, dalang se bè yóm ngaen logi ne bè yóm ngaen libun.

Kem Lingón 123:4

Tey kehnê le kum yó kem tau bong kendengen le. Gel henskong le mi yó kem tau heklabak alì mdà kum elaan.

Jirimaya 9:20

Yó bud udél Jirimaya, monen, “Yu kem libun, hol hnungol ye yóm kun udél Dwata, hol henklingu ye yóm udélen ebélê ye. Tolok ye lu langag yó kem ngà ye libun ne bud tolok ye lu lemanu yó kem wè ye.

Jirimaya 9:19

Hnungol ye dé yóm tey kik bè Sayun, yó mon le, “Deng tekuy gotu meglà ne. Deng tekuy gotu myak ne ni. Deng bang ktebel tekuy du ne nim benwu tekuy ni, abay se deng gotu gbà yó kem gónô tekuy.”