Isaya 32:8 - Udél Dwata: Gna Kesfasad ne Lomi Kesfasad

⁸ Okóm yóm tau laen dù kéngen, tey tedeng yóm gel nmoen ne tey mbegel kdaen du yóm tedeng.

Isaya 32:8 Referans Kwoze

2 Kurin 8:2

Balù yóm alì ksidek yóm keglayam le, mom temnù he yóm tey kligal le. Lemwót bè yóm tey kligal le, tey bong yóm gel blay le bè yó kem dumu le hemtahu, balù yóm tey kélél le se kul.

Kul Nmò 9:39

Ne tahu se, mung kul Pitér. Yóm kkólen bè yó, tódô nwit le bè yóm dfél tofi ta. Gotu le nô bè yó snéen yó kem libun bolu. Tey kkik le, ne tolok le ke Pitér yó kem nes tehe gel tenbé Durkas bélê le yóm hanà tolo kegenen mowil.

Kem Lingón 112:9

Là sgafas nawa le bemlay yó kem tau élél. Yóm kehyu nmò le laen kô dù tau kmifót du. Tey mbegel ktau le, ne tey kadat le du kem dumuhen.

2 Samwél 14:14

Angat tekuy gotu matay. Lómón ke tekuy yóm él mkok ete tonok, là bud gbekem semtifun du. Yó gónó Dwata hmotu gelen bud mit du semfulék yóm tau deng glayuk béléen. Là kô bayaen du yóm tau kenbong nawahen. Ne là se hyuhen béléem ke tódô bayaem se kóm.