Isaya 32:7 - Udél Dwata: Gna Kesfasad ne Lomi Kesfasad

⁷ Tey sidek yóm tau là hulungen hedem yó, hono sidek yóm gel nmoen. Sónmoen matul du yóm lanen hemsidek yó kem tau élél hlanen bè kéng. Ne hensengen lu anì là guta le du yóm kul ktahu.

Isaya 32:7 Referans Kwoze

Matyu 26:4

Yó natul le yóm kmò klifut kekfô le ke Jisas anì ghatay le.

Mika 2:11

Yó dô nóyô le ni kem tau ni yóm tugod Dwata tendo tmulón kéng ne tendo smukat, yóm gel mon du, ‘Eles tulónu kuy, angat tey wen tifas ye se kuy, ne tódô wen se yó kem dumu gel ninum ye.’ ”

Jirimaya 18:18

Ne yó udél yó kem tau, mon le, “Yake mebel tekuy lan anì teflok yóm gel tulón Jirimaya. Laen kô dù mu tekuy du yóm gel tulónen. Deng wen kut tau blóng ebè Dwata nô bélê tekuy ne wen se kem kut tau temngón ne wen se kem kut tugod ebè Dwata nô bè ni. Laen kô mu tekuy du yóm toloken tekuy ne ke hnauhen tekuy ne ke tô wen tulónen tekuy. Mò tekuy tulón gbak etahen, bê tekuy abay kenmón yó kem gel monen.”

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Kem Lingón 119:95

Tô hnékét le o bè lan yó kem tau gel mò sidek, okóm tendo hendemu yó kem hlauhem.

Isaya 11:4

Tey tedeng kkukumen kul yó kem tau élél ne nfihen yó kem tau laen dù genbek le. Lemwót bè kun udél gónó le megtafak yó kem tau hemsidek kul ne gónó le matay yó kem tau sidek nmò le.

Isaya 26:10

Balù yóm tey kganag nawahem bè yó kem tau sidek nmò le, ewenem là kô na le e dnalang du yóm tedeng. Balù bè yóm benwu yó kem tau tedeng nmò le, sana kmò le sidek. Là kô le móyô kemmón du yóm kegetahem.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Isaya 59:15

Laen kô bud tonem ke wen tau lemolò du yóm ktahuhen. Ke tói hlayuk bè yó kem sidek, mom henayam le uu yó kem tau gel mò sidek.” Deng gotu ton Dwata yó kem sidek deng nmò le yó ne tey sidek kegnómen du abay se là tedengen yóm kukum nwit le.

Danyél 12:10

Lemwót bè yóm tey keglayam yó kem tau bè yóm kdaw yó, yó gónón dê tau baling mólós, laen dù bud belen le. Okóm yó kem tau mò sidek tódô hlós yóm kul kmò sidek, là getnef le du kul yóm deng sut lem blóng le. Tek són yó kem tau hulung hedem temngón du.

Mika 2:1

Hatay ye kuy, kem tau olo le beyen hlilil kifu là dog tungô matul mò yó kem sidek. Hlafusen bè yó, tódô kendel nmò ye yóm sidek deng eles natul ye yó, abay se gbek ye mò du.