Isaya 32:6 - Udél Dwata: Gna Kesfasad ne Lomi Kesfasad

⁶ Yóm tau là tedengen yó, hono nungel kestulónen ne tey dê nmò sidek natulen. Kdê yó kem gel nmoen ne kdê yó kem gel udélen gónón gfan yóm là kadaten ke Dwata. Là kô henkenen kul yó kem tau bitil ne là kô hinumen kul yó kem tau meeng.

Isaya 32:6 Referans Kwoze

Matyu 15:19

Kdê yó kem nmò sidek, hono lemwót bè kehedem tau, lómón yóm monok, ne mdà yehen, ne mò samuk, ne mnagaw, ne mò kéng, ne yóm tódô gel semtulón dumu tau.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

1 Samwél 24:13

Lómón yóm gel mon le, ‘Són yóm tau sidek kehedemen yóm tau gel mò du yóm sidek.’ Duhen yó, hol hentahuhem nim monu ni, là kô gbeku du ke hensideku uu.

Sulat Jim 1:27

Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

Amus 8:6

Hebtes tekuy yóm halay wen bolen kafa. Nmò tekuy hesek yóm tau mutóng là gbeken mayad, yóm tau mutóng tek sbotù blówón bukay ne snilas.”

Kem Udél Hlalak Tehe Selumun 19:3

Lemwót bè yóm kun kbook yóm tau gónón gbà klowilen, ewenem sana kehnuléken ke Dwata.

Kem Lingón 141:4

Hol kóhem yóm óyóu mò sidek, béem hlus o mung bè yó kem tau gel mò sidek, ne béem hlus o mung mken bélê le.

Kem Udél Hlalak Tehe Selumun 24:7

Ngelem yó kem udél hulung hedem là getnef tau book du, là kô tngónen du ke tedu mò udélen ke myón bè kukum.

Isaya 10:2

Yóm nmò ye yó mò lan ye hemseng yó kem tau élél anì laen dù kwalis le lemwót bè klaen dù kukum tedeng lem blóng le. Yó se mò lan ye gemwa yó kem kimu yó kem libun bolu ne yó kem ngà hikit.

Isaya 10:6

Hógówu Asirya mò na a mundug yó kem benwu laen dù bud klikò le do, yó kem tau alì hebut do. Hógówu lu mò na a megef ne mò na a mnagaw ne mò mdà kul elaan yó kem tau yó. Yó kmò le kul, hol lómón ke hitok bè lan.”

Isaya 26:10

Balù yóm tey kganag nawahem bè yó kem tau sidek nmò le, ewenem là kô na le e dnalang du yóm tedeng. Balù bè yóm benwu yó kem tau tedeng nmò le, sana kmò le sidek. Là kô le móyô kemmón du yóm kegetahem.

Isaya 31:2

Deng eles hendem Dwata yóm angat nmoen bélê le. Wen glumfak hwiten elem blóng le. Deng eles tulónen kul yóm angat ktafaken yó kem tau gel mò sidek, gomong bélê le yó kem tau mofin kul. Ne tahu se, dohò tnafaken lu.

Isaya 59:7

Tendo gel natul ye yóm sidek ne tey kódód ye géhél mò du. Tey mahil bélê ye hmatay yó kem tau laen dù sidek nmò le. Balù kihu gónó ye e solu, tey wen tau gel hensidek ye ne hnayam ye.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Danyél 12:10

Lemwót bè yóm tey keglayam yó kem tau bè yóm kdaw yó, yó gónón dê tau baling mólós, laen dù bud belen le. Okóm yó kem tau mò sidek tódô hlós yóm kul kmò sidek, là getnef le du kul yóm deng sut lem blóng le. Tek són yó kem tau hulung hedem temngón du.

Isikél 34:18

Là gsengel nawa ye du he kô yóm tey hyu gel nótób ye yó? Moen de ke bud sensdà ye yóm dù bnes là nótób ye du? Là gsengel nawa ye du kô yóm tey él tikaw gel ninum ye yó? Moen du ke bud lenbol ye yóm là ninum ye du?