Isaya 32:4 - Udél Dwata: Gna Kesfasad ne Lomi Kesfasad

⁴ Là buden kosut nawa le. Ket nmò le sal mlan bè yóm khulung le hedem ne tey mdengen ke wen gel mon le.

Isaya 32:4 Referans Kwoze

Glasya 1:23

Són olo tngón le yóm gel tulón tau kul, yóm gel mon le, “Yóm tau tehe alì gel hemsidek kum, deng mom du baling tau hetngón du bè kem dumu tau yóm tolok tehe gel kenbéen.”

Kul Nmò 6:7

Ne sónmoen tendo mból yóm udél Dwata, ne sónmoen se temnù tau hemtahu bè Jisas bè Jirusalim. Tey wen snéen kem tau demsù ebè Dwata baling hemtahu bè Jisas.

Kul Nmò 4:13

Ya tey ketnga yó kem tau hol geta mogot kukum yóm kton le laen dù klikò le Pitér ne Jan, ne yóm ketngón le du olo le kem tau hkawang, laen dù hennagì le. Bud gtulón bè nawa le yó kem lewu tau yó, lu se yóm tehe gel slomong ke Jisas.

Matyu 16:17

Mon Jisas se mò ke Pitér, “Tey hyu kóm Simun ngà Jan, abay se là lemwóten bè tau yóm kdilóem do, okóm tódô lemwót bè Mà bè longit.

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Kehewà 4:11

Yó bud balà Dwata du, monen, “Tau du se mò du yóm sumóng tau? Tau du se hbokong du ne humew du? Tau du se hton du ne hbutô du? Ou se mò du, yóm sana Dwata hol gónó mogot.

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Isaya 35:5

Bè yóm kkólen, gotu htonen yó kem butô ne hfungolen yó kem bokong.