Isaya 32:13 - Udél Dwata: Gna Kesfasad ne Lomi Kesfasad

¹³ Deng tles tmowok du yó kem ngà koyu semnual efet laen dù bud muhen yóm tonok yó kem dou tau. Nkik ye yó kem gónô tehe wen kem tau hligal nô lemen. Nkik ye yóm kuy syudad tehe alì wen gónó le hligal yó kem tauhen.

Isaya 32:13 Referans Kwoze

Isaya 7:23

Bè yóm kdaw yó, yó kem tonok hyu gónó le tehe gel mulu grép tehe ket lemibu but hulu le du ne ket tonoken sal bentes lemibu botù blówón bukay, angat gotu limes bè yó kem tey ngà koyu semnual ne kem sual lemfà.

Jirimaya 39:8

Ne ditu bè Jirusalim, tódô gotu ntem yó kem sendalù Babilun yóm syudad yó, gomong yóm gónô bong yóm tau hol geta ne gotu genbà le yóm beng hmilol Jirusalim.

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Isaya 5:6

Là bud hnayahu du ne yó kem huluhu yó. Là se bud hen-gifatu du ne là kô bud lenbudu du. Kihu ne ke tfeng kluon semnual tmowok lemen. Balù lobun, sana kdóku kul anì là kmulónen bè yó.”

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Isaya 55:13

Bè yóm tehe gónón tmowok yó kem koyu lemnek semnual laen dù muhen, angat tles tmowok bè yó yóm siprus ne mirtal, hono kem koyu wen muhen. Ni se mò ilô yóm kfasangu ne laen kô dù sónen yóm ilô yó. Bud ni se mò gónó ye hemtulón nawa du yóm deng nmou. Ou se yóm Dwata hol gónó mogot.” Là gomongen bè nili yóm tsaptér 56. Yó monen bè bérs 1-2, “Hol hentedeng ye kmò ye ne béen abay wen mtukul knihu ye,” mon Dwata. “Hol nmò ye yóm tedeng ne yóm hyu, yakà móyóne kól mò lemwà kuy. Tey kehyuhen bélê le kul yó kem tau nô bè nawa le yóm kmò le du nim ni. Tey kehyuhen bélê le kul yó kem tau gel madat du yó kem Kdaw Kehegnô ne yóm là kmò le nmò bè yó kem kdaw yó. Ne tey kehyuhen bélê le kul yó kem tau là gel le mò sidek.” Ni kem kehyuhen ni, là són bè kem tau Israél du gónón e gdek, okóm gomong snéen yó kem tau gel mimón yó kem kun hlau Dwata. Yó mon Dwata bè bérs 8, “Yóm Dwata hol dandónen geta, yóm mit semfulék yó kem tau deng kenbê kem dumu tau, gomong nwitu snéen yó kem dumu tau, là són yó kem dou tau du.”

Jirimaya 33:4

Yó udél Dwata yóm Dwata yó kem tau Israél, monen, Baluen ke deng gotu genbà ye yó kem gónô lem yóm syudad ni gomong lemen yóm gónô bong yóm tau hol geta mogot kuy ne deng gotu nwa ye ngomen mò tgel ye yóm beng hmilol Jirusalim anì là gusek yó kem hohon ye,

Jirimaya 52:27

Ne bè yó bè Ribla bè tonok Hamat, gotu hfatayen lu yóm tau hol geta bè Babilun. Duhen yó, gotu negef le lu mayuk yó kem tau bè Juda, tnagak le yóm kul benwu.

Husiya 2:3

Ke là mimónen, tódô gotu kóhu nesen anì tódô mógów laen dù nes lómón yóm hanà ksuten. Tódô tebelu anì heskélu bè yóm benwu là hyu menwu du yóm klowilen ne angat hlós matay bè kleengen.