Isaya 30:8 - Udél Dwata: Gna Kesfasad ne Lomi Kesfasad

⁸ Wen hsulat Dwata do bè bok yóm gel nmò yó kem tauhen anì wen mdengen gónóhen nô yóm tey ksidek nmò le.

Isaya 30:8 Referans Kwoze

Hbakuk 2:2

Ominen malà do Dwata, monen, “Snulatem bè botu kufil yóm htonu kóm ni, bede hbongem ksulatem du ne htatawem anì mahil kesfalahen du yóm tau mlóy mit tulón anì tulónen bè kihu tau.

Isaya 8:1

Yó udél Dwata ebéléu, monen, “Mahi yóm mò gónóm smulat, bede yóm bong. Yó kmò ksulatem du hebangem, monem, ‘Mebetik ma, metlasik megef.’

Dwata 31:22

Tahu se, bè yóm kdaw yó tódô snulat Musis yóm lingón yó ne toloken yó kem tau Israél.

Jirimaya 36:2

“Nwahem yóm klatas lenulun, snulatem lemen yóm kdê udélu gbak ebè yó kem tau Israél ne ebè yó kem tau Juda ne ebè yó kem tólóng tau bè dumu benwu. Snulatem lemen yóm kdê deng htugodu kóm lenwóten bè yóm hol tanayen bè yóm kun kogot yóm tehe Jusaya efet nim kmoen ni.

Dwata 31:19

Bud mon Dwata mò ke Musis, “Ni snulatem nim lingón nii. Tolokem yó kem tau Israél mò angat gónóhu hewót mdà du yóm ktafaku kul.

Lista 24:14

Yó bud udél Balaam ebè Balak, monen, “Ni muléke ebè yó kem dou tau, okóm gu laanu là deng lemwót, wen eles hetgamahu kóm yóm angat nmò yó kem tau Israél bè yó kem tau nogotem elem hulin kdaw.”

Dwata 4:30

Ke deng wen glumfak ye elem hulin kdaw ne ke deng gotu gefet bélê ye ni kem monu mò kuy ni, omin ye yó he semfulék ebè Dwata ne nimón ye.

Sulat Jud 1:18

Yó tehe gel tulón le kuy, mon le, “Ke móyón hto yóm hol són kdaw, tódô sut se yó kem tau alì hmowon kuy, kem tau són lolò le yóm sidek knóyô lówó le.”

2 Pitér 3:3

Ni hol tanay hegtulónu bè nawa ye. Ke móyón moni yóm hol són kdaw, wen tau sut lem blóng ye són lolò le kul knóyô lówó. Hnowon le yu,

1 Timuti 4:1

Tey mtukul yóm eles kmonen du yóm Tulus Dwata yóm nmò yó kem dumu tau hulin kdaw. Tebel le yóm kul kehtahu, mom yó nimón le yó kem tulus kéng, ne yó kem tolok sekban lemwót bè kem busaw.

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

Jirimaya 23:20

Ne là kóen na a hotok yóm kebut Dwata yó efet gotu dengen yóm atulen eta yó kem tau mò sidek. Angat getnef ye he nim ni elem hulin kdaw.”

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

Dwata 31:29

Tódô eles tngónu, ke denge matay tey angat kmò ye sidek ne angat kenbê ye yóm deng toloku kuy. Angat wen kdawen wen tey glumfak ye abay se deng hebut ye Dwata lan ye mò yó kem sidek alì kenbéen.”

Jirimaya 30:2

“Ni se udél Dwata yóm kuy Dwata yó kem tau Israél, Ó Jirimaya, gotu snulatem yóm kdê deng tulónu kóm.

Jirimaya 36:4

Tahu se, htaba Jirimaya Baruk yóm ngà Niraya logi. Gotu tulónen ke Baruk yóm deng htugod Dwata du lemwót bè kbuten ne gotu snulat Baruk bè yóm klatas lenulun yóm kdéen.