Isaya 30:6 - Udél Dwata: Gna Kesfasad ne Lomi Kesfasad

⁶ Ni se udél Dwata gbak ebè yó kem ógóf lóbô lem bnes bè yóm benwu fi leged là hyu menwu du, monen, “Yó kem tau hógów le mò na a mni tóbóng yó, mlan le bè yóm benwu gónó le nô yó kem ógóf lóbô, yóm gónó le nô yó kem liyun ne yó kem ulal malas ne yó kem swaga móyóng. Gotu lenulón le yó kem tey mebtes yó kem kudà ne yó kem kamél le, mò blay le bè Idyip yóm benwu là gbeken du tmóbóng kul.

Isaya 30:6 Referans Kwoze

Dwata 8:15

Bê ye abay klifót yóm tehe kalaken kuy lem yóm tey benwu alì knikò là hyu menwu du, benwu gónón nô yó kem ulal alì malas ne kem syufón. Bè yóm tonok mékéng laen dù élen yó, tódô wen él hesuten bélê ye bè yó gu lem yóm tey botu.

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

1 Bok Kem Tau Hol Geta 10:2

Bè yóm kkólen bè Jirusalim, mung du yó kem tey dê tóbóng lówóhen, tey wen kamél nwit le lemulón yóm kdê kay som, ne kem tahu blówón, ne yó kem botu sminang alì mebtes. Tikóng le ston Selumun, gotu snólóken bè Selumun yóm kdê nô lem hendemen.

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Matyu 12:42

Bè yóm kdaw angat kkukum Dwata tau, angat mdà bè yó se kun yóm tehe libun boi là Juhen lemwót bè benwu Siba, ne nselen yu. Tehe gloken milo lemwót gu bè kun benwu là sekna lanen na a hemklingu ke Selumun, yóm tehe sotu tau hol geta bélê tekuy ekni, yóm alì hulung hmau. Ne deng wen ne yóm mkay senta Selumun deng kól lem blóng ye bè ni, okóm deng mom henda ye.”

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Isaya 8:22

duhen ke hmunu le ebè tonok tek són ton le, són yóm gónó le glayam ne yóm tey kkifuhen, yóm kifu wen klikò mung du. Ne laen kô dù lan le mógów elemen. Laen kô gónó le gewà du yóm tey hlayam angat gefet bélê le.

2 Tutul Israél 16:2

Lemwót Asa, gotu nwahen yóm kdéen blówón bukay ne tahu blówón deng tehe henyu le lem Gónô Dwata dalang se bè gónô bongen, gotu hwiten ebè Bin-hadad yóm tau hol geta bè benwu Aram, nô bè syudad Dmaskus. Wen udél hwiten ebéléen, yó monen,

2 Tutul Israél 9:1

Timbow gungol yóm libun boi bè benwu Siba yóm tey któtól Selumun, yó gónón mógów ebè Jirusalim anì tilów snólóken béléen yó kem tey sólók mgel. Tey dê tóbóng lówóhen mung du, ne wen tey kamél nwit le lemulón yóm kdê kay som, ne tahu blówón, ne yó kem botu sminang alì mebtes. Tikóng le ston Selumun, gotu snólóken bè Selumun yóm kdê nô lem hendemen.

Dwata 17:16

Yóm tau nélék ye, hyu ke là hwenen du kem kudaen mò snakay yó kem sendaluen ne là se hyuhen ke wen tau hógówen mò na a bemli kudà bè Idyip, abay se deng tehe mon Dwata mò kuy hol bê ye abay bud mulék ebè Idyip.

Tekang Kbuten 12:9

Ominen yó tendo mili yóm gónón kmamfù hlós tofi leged lem yóm benwu Kanan.

Lista 21:8

Ne yó nmò Dwata, wen ulal hetwélen ke Musis ne hyu wen hteg gónón hemsù du. Ke wen tau deng nékét yóm ulal malas yó koni, ke temngel ebè yóm ulal hteg Musis, tódô mowil.

Isaya 35:9

Laen dù kem liyun nô bè yó. Ne laen se dù dumu ógóf lóbô ke gemlan bè yó. Són olo gemlan bè yó, són yó kem tau deng lenwà Dwata. Yó se lan angat lolò le bè yóm kulék le ebè Jirusalim.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Job 39:11

Balù bè yóm tey kekgisen, gbekem smalig du kô anì nmoen béléem yóm tey nmò blat?

Sikaraya 6:6

Yóm klitun tók dyol kudà hitem fen mógów ebè yóm benwu fi bwak ne yóm klitun tók dyol kudà bukay fen huli du. Ominen yóm klitun tók dyol kudà kebting fen mógów ebè yóm benwu fi leged.”