Isaya 30:5 - Udél Dwata: Gna Kesfasad ne Lomi Kesfasad

⁵ Tey kegsel yó kem tau Juda bè yóm deng ksalig le yóm benwu laen dù genléd nawam du. Hendón le ke dohò yóm któbóng le kul, okóm là.”

Isaya 30:5 Referans Kwoze

Jirimaya 2:36

Ne sotuhen, tey dê benwu lembang deng gónó ye e semdakit mò gónó ye htóbóng. Okóm ni, bè yóm kehtóbóng ye bè Idyip gónó ye mulék myak lómón yóm tehe kehyak le kuy yó kem tau bè Asirya.

Isaya 30:7

Yóm tóbóng lemwót bè Idyip yó laen dù muhen. Yó gónóm mon, nibahu Idyip ‘Swaga Là Lóbóen.’ ”

Isaya 30:16

Mom yó atul ye smakay ye kudà alì mlóy anì gehlóy ye yó kem hohon ye. Ne tahu se, gehlóy ye yó kem hohon ye. Ofo kuy mon du ke alì mlóy yóm kuy kudà snakay, anì monem là. Mom yó he kem tau kemtes kuy yóm alì metlasik klóy kudà le.

Isaya 10:3

Tedu se kmò ye du du bè yóm angat ktafak Dwata kuy? Tedu tô kmò ye du du yóm kwen glumfak bong angat hwiten ebélê ye lemwót bè dumu benwu mayuk? Gónó ye e tô mlóy mni tóbóng du? Gónó ye e tô bemnos du du yóm tey kendengen ye?

Isaya 36:6

Déke dò ye yóm któbóng kem tau bè Idyip kuy. Ke yó dò ye, hol lómón ke tmuged ye balut. Mom hnalì hólól ye. Lómón yó se kmoen yóm tau hol geta bè Idyip ebè yóm tau smalig béléen.’ ”