Isaya 30:2 - Udél Dwata: Gna Kesfasad ne Lomi Kesfasad

² Tódô le htóbóng bè Idyip, là dog le gna smólók béléu. Kóyô le ke Idyip fen mofin kul, yó gónó le smalig du yóm tau hol geta bè yó.

Isaya 30:2 Referans Kwoze

Isaya 36:6

Déke dò ye yóm któbóng kem tau bè Idyip kuy. Ke yó dò ye, hol lómón ke tmuged ye balut. Mom hnalì hólól ye. Lómón yó se kmoen yóm tau hol geta bè Idyip ebè yóm tau smalig béléen.’ ”

Lista 27:21

Bè yóm angat kalaken tau, ke móyô temngón du yóm dou kóyô nan hol mlan bè Ilisar yóm tau gel blóng ebéléu, yóm fen gel temngón du yóm dou kóyô mlan bè ketngelen du yóm Urim ne Tumim. Bè nim nmò Juswa ni, Ilisar fen gel tmulón du ne bè yó kem tau Israél yóm mò gel nmò le.”

Jirimaya 42:20

Deng tnondo ye ou bè yóm kdók ye dou mni bè yóm sana kut Dwata hol gónó mogot. Yó mon ye, ‘Hol tulónem kum yóm udél yóm sana kut Dwata hol gónó mogot anì nimón me.’

Jirimaya 42:2

Jirimaya yóm tau tugod Dwata. Yó mon le mò du, “Holi mni kum bè yóm sana kut Dwata hol gónó mogot. Tonem ni là kô tekuy hol bud wen. Là mkélen bè yóm gnan, tehe tey kwen tekuy.

Jirimaya 37:5

Uma kóm bè yóm kdaw yó, deng senibut yó kem sendalù Babilun yóm syudad Jirusalim. Okóm timbow gungol le yóm deng kegdofì yó kem sendalù Idyip bè tonok Juda fi leged anì na le e gnida yó kem sendalù Babilun, yó gónó le tódô lemwót bè yó bè Jirusalim yó kem sendalù Babilun.

Isaya 36:9

Balù yó hem tau genlal hol glaan bélê me, là kô ye gemmò béléen. Yó kô tô nangat ye ke henwit le yu sendalù smakay kudà yó kem tau bè Idyip, mung du yó kem klitun gel dyol kudà le bè gida? Neet he.

2 Bok Kem Tau Hol Geta 17:4

Okóm kogolen bè yó, deng mom wen tau hógów Husiya ebè So yóm tau hol geta bè Idyip, nan e htóbóng béléen anì là buden mayad bè Salmanésér, lómón yóm deng gel nmò le béléen ket halay. Tikóng gungol yóm tau hol geta bè Asirya yóm nmò Husiya yó, hekfóen ne heblangguen.

1 Bok Kem Tau Hol Geta 22:7

Okóm yó bud snólók Jihusafat, “Wen he kô dumu tugod Dwata mò gónó te bud smólók?”

Kmukum 9:15

Yó balaen kul yóm ngà koyu semnual yó, monen, ‘Yó ne. Ke hol ye móyô ke ou geta bélê ye mógów ye edini, tilów ye hgolung laanu. Ke là móyô ye, angat wen ofi lemwót béléu mò mlób yó kem koyu sidar alì lembang bè Libanun.’ ”

Juswa 9:14

Yó nmò yó kem tau Israél, gotu hnénég le yó kem ken nwit le yó koni ne tahu se, deng knuné. Bede là kô dog snólók le ke Dwata ke tedu yóm kun kóyô.

Dwata 28:68

Angat hesfulék Dwata yu ebè Idyip smakay bè kafal, balù yóm deng tehe kmonu du mò kuy là bud ye mulék etu. Ne bè yóm benwu yó gónó ye tô hembalù knô ye bè kem hohon ye mò hesek le, okóm laen kô dù móyô kuy.” Là gomongen bè nili yóm tsaptér 29. Yó tulónen bè nim tsaptér ni yóm bud kehtulón Musis du bè nawa yó kem tau Israél yóm tehe fasad le ke Dwata. Ke là nmò le du yóm fasad le du yó, tey angat ktafak Dwata kul, gomong megtafak bélê le yóm tonok le.

2 Bok Kem Tau Hol Geta 18:21

Ngem, tô snalig ye yó kem tau Idyip kô? Ke yó tô snalig ye, hol lómón ke tmuged ye seben mufê gotu hnalien ke wen tmuged du. Lómón yó se kmoen yóm tau hol geta bè Idyip ke wen smalig béléen.

Isaya 8:19

Okóm angat mon yó kem dumu tau mò kuy, yake smólók ye bè yó kem tau mton bù ne bè yó kem tau demwata, yó kem gel mnuhul ne mengeg. Yó gónó le mon du yóm yó abay se hyu kun ke gel tekuy smólók bè yó kem tau deng matay mò tmóbóng yó kem tau tolo mowil.

Jirimaya 2:18

Tedu se deng guta ye du bè yóm gel kógów ye ebè Idyip na ye e kinum bè yóm kul Él Nayl bè yó? Tedu se deng guta ye du du yóm gel kógów ye ebè Asirya na ye e kinum bè yóm kul Él Yufratis bè yó?

Jirimaya 42:14

Ne ke alì duil ye se mógów ebè Idyip, abay se hendem ye laen dù bud gmida kuy ditu ne là bud ye bitil ne laen dù bud hennilam ye.