Isaya 30:16 - Udél Dwata: Gna Kesfasad ne Lomi Kesfasad

¹⁶ Mom yó atul ye smakay ye kudà alì mlóy anì gehlóy ye yó kem hohon ye. Ne tahu se, gehlóy ye yó kem hohon ye. Ofo kuy mon du ke alì mlóy yóm kuy kudà snakay, anì monem là. Mom yó he kem tau kemtes kuy yóm alì metlasik klóy kudà le.

Isaya 30:16 Referans Kwoze

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Isaya 31:3

Là kô le Dwata yó kem tau Idyip snalig le, olo le tau tonok. Yó kem kudà le laen dù tulus le, senged le bè kem dumu kudà snéen. Ke tnafak Dwata yó kem alì kemgis yó, gotu le meglà. Ne yó kem tau tô tnóbóng le gotu le gomong meglà ne matay se kul.

Hbakuk 1:8

Yóm alì kehlóng yó kem kudà le, botong kéng kehlóng yóm sotu ógóf lóbô lem bnes boluyen lipard. Ne yóm alì klóbô le, hol lómón klóbô yóm ohu lóbô lem bnes ke deng bitil. Yó kem tau gmida smakay kudà bélê le, lemwót le gu bè benwu mayuk. Tey kehlóy le yó kem kudà le, hol lómón ke dmauf banug ke wen kenfóen.

Mika 1:13

Yu kem tau bè Lakis, leket ye bè yó kem klitun gel nit bè gida yó kem kudà alì metlasik anì géhél ye mlóy. Yu se yóm tanay syudad bè Juda gna lemolò yó kem tau Israél bè yóm ktaba le ebè yó kem dwata kéng. Yu se malak yó kem tau bè Jirusalim mò du yóm salà yó.

Amus 9:1

Ominu mton ke Dwata mdà klohok yóm gónó demsù. Dóken ou, monen, “Hgel bnogulem ta yó kem hehek Gónóu anì kmingò yó kem tgelen. Lenusokem yó kem htegen anì tbó yóm ketefen eta kulu yó kem tau nô laanen. Ke wen dù tau mowil, gotu bud hfatayu lu bè gida. Balù sotu ke wen glóy bélê le, ne là se wen gewà.

Jirimaya 52:7

Yó deng nmò yó kem sendalù Babilun, wen gónó le gembà du yóm beng hmilol Jirusalim anì gusek le elemen. Yó atul yó kem sendalù Juda gotu le hewà lem Jirusalim yóm kdê le, okóm là kô le tagad mlóy ke là dengen kifu, abay se deng gotu snibut yó kem sendalù Babilun yóm syudad le. Yó lan le bè bak tikeb yóm lewu kem beng sedà sentu gónón mò hulu yóm tau hol geta, tô le mlóy etu bè Datal Jurdan.

Kem Lingón 147:10

Là beyen nawahen du kun yóm kudà alì kemgis, dalang se yóm kgis tau, le hilu he bè ktonen kul.

Kem Lingón 33:17

Là kô yó du gónó le gemmò ke bè yó kem kudà nit le sgida. Balù yóm tey kekgis le, là kô le gewà du.

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.

Dwata 28:25

Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

2 Bok Kem Tau Hol Geta 25:5

Okóm ktes le lu yó kem sendalù Babilun, ne gafit le Sidikaya bè datal Jiriku. Deng gotu sentebel yó kem sendaluen, ne deng le gotu sekla.

Isaya 2:7

Tey wen blówón bukay le ne tahu blówón le ne là kô gsóhem du yó kem kendengen deng henyu le. Tey kudà wen bè benwu le ne là kô gsóhem du yó kem klitun gel nwit le sgida.

Jirimaya 39:4

Timbow ton Sidikaya ne yó kem sendaluen yóm deng kógów le elemen yó kem genlal bè Babilun yó, yó nmò le nangat le yóm kkifuhen, omin le yó gotu mlóy. Mlan le bè galdin Sidikaya etu bè yóm bak tikeb yóm lewu beng sedà hmilol Jirusalim, ne tô le hlós etu bè Datal Jurdan.

Job 39:11

Balù bè yóm tey kekgisen, gbekem smalig du kô anì nmoen béléem yóm tey nmò blat?