Isaya 30:10 - Udél Dwata: Gna Kesfasad ne Lomi Kesfasad

¹⁰ Yó mon le bè yó kem tau tmugod ke Dwata bélê le, “Bê ye abay bud mudél ne. Bê ye abay tulón kum yóm nmò tedeng. Olo ye tmulón kum yóm nóyô hnungol me. Tódô bayà ye kum yóm kum gel hendem.

Isaya 30:10 Referans Kwoze

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Amus 7:13

Béem abay bud hnala mi bè ni bè Bétél bè yó kem dê gel tulónem yóó. Abay se bè ni kun gónó tmaba Dwata yóm tau hol geta ne kul gónó tmaba Dwata yóm kdéen tau Israél.”

Amus 2:12

“Okóm deng mom hinum ye yóm tau Nasirit yóm tifas grép ne deng mom mon ye bè yó kem tugodu bê le abay tugod yóm htugodu kul.

Deng Hegfan 11:7

Okóm ke deng gotu deng le yóm htugod Dwata kul, ominen wen yóm sotu ógóf lóbô hsut gu lem yóm tey sol leyóng, nan e nit lu sfatay. Ne du matù bélê le, botong gotu ghatayen lu.

Jirimaya 23:17

Yó gel tulón le bè yó kem tau gel kembê du yóm dou tulón, mon le, ‘Hono hyu yóm angat sut bè klowil ye.’ Ne wen bud tulón le bè yó kem tau senflós le mò sidek lemwót bè yóm kgel kulu le gel mon le mò kul, ‘Angat laen kô dù bang hemen ye se kuy.’

Mika 2:11

Yó dô nóyô le ni kem tau ni yóm tugod Dwata tendo tmulón kéng ne tendo smukat, yóm gel mon du, ‘Eles tulónu kuy, angat tey wen tifas ye se kuy, ne tódô wen se yó kem dumu gel ninum ye.’ ”

Mika 2:6

Yó mon le mò do yó kem tau, “Béi tmugod bélê me. Béem tulón kum yó kem sidek yó. Là kô heglumfak Dwata du kum yóm monem yó.”

1 Bok Kem Tau Hol Geta 22:27

Mon ye mò kul, ni udél yóm tau hol geta bélê ye, ‘Bnanggù ye tau ni, béen wen dumu hken ye du olon mambang ne él efet kkólu gu bè sgida ke laen dù hemenu.’ ”

1 Bok Kem Tau Hol Geta 21:20

Timbow ton Ahab Ilaydya, yó monen mò du, “Na, deng tonen o yóm hohonu.” Bnalà Ilaydya se, monen, “Él, tonu uu. Ni gónów mógów edini, abay se deng mom hotuhem nawam mò du yóm sidek bè kton Dwata kóm.

Glasya 4:16

Yó kô tô gónó ye hmohon do lemwót bè yóm deng ktulónu du kuy yóm ktahuhen?

Kul Nmò 5:28

monen mò kul, “Deng tey mget kmon me du mò kuy hol bê ye abay bud sentbong yóm boluy Jisas. Ngem ni kun, deng mom lengeben Jirusalim gónón e mból yóm gel tolok ye. Lel ye tô hbut du eta me yóm katayen yóm tau yó.”

Kul Nmò 4:17

Yake olo tekuy tódô hendlà mólów kul anì là bud tulón le du yóm boluy Jisas balù kihu tau, anì là senflósen mból yóm gel tolok le ni.”

Kun Snulat Jan 8:45

Okóm,” mon Jisas, “hono tahu yóm gel tulónu kuy, ne yó se gónó ye là hemtahu dou.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Jirimaya 38:4

Duhen yó, lemwót yó kem genlal bè Juda yó mógów le ebè yóm tau hol geta bélê le, mon le mò du, “Ó Sér, tódô hnatay tekuy ne nim tau ni. Ngem ni dé lemwót bè yó kem tendo gel tulónen, botong lana bè yó kem dù sendalù tekuy yóm kfól nawa le dalang se bè yó kem dumu tau tebel bè nim syudad ni. Yó kem gel tulónen laen kô gónón gemtóbóng yó kem tau, deng mom hensideken lu.”

Jirimaya 29:27

Moen de ke là nmoem du bè Jirimaya nim ni, yóm tau lemwót bè Anatot lembù tmugod ke Dwata?

Jirimaya 26:11

Lemwót yó kem tau gel blóng le ebè Dwata dalang se yó kem tugod Dwata, gotu tulón le bè yó kem genlal ne bè yó kem dumu tau nô bè yó yóm delem le ke Jirimaya, mon le, “Tódô hnatay kmò du nim tau ni, abay se són tulónen yóm sidek gbak bè yóm syudad tekuy. Deng gungol ye se kuy yóm monen yó.”

2 Tutul Israél 25:16

Okóm yóm igoen tolo mudél, yóm tau Dwata yó, tódô kendel tenbleng yóm tau hol geta, monen, “Deng nélék me uu kô mò gónón hmungol hlau yóm tau hol geta? Béi abay bud mudél, déke hfatayu uu.” Duhen yó, tódô mulék yóm tugod Dwata yó, bede wen eles hetgamahen yóm tau hol geta, monen, “Tngónu deng eles nô bè nawa Dwata ne gemlà kóm bè nim nmoem ni, là kô dog hnungolem du yóm hlauhu kóm.”

2 Tutul Israél 16:10

Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

2 Timuti 4:4

Là kô hnungol le du yóm ktahuhen, mom knogol le. Mom tu alì henklingu le yó kem tulón lenbù nmò yó kem tau gnan.

1 Samwél 9:9

(Bè yóm kdaw yó bè kem tau Israél, ke wen tô snólóken bè Dwata yóm sotu tau, yó gel monen, “Lemwót tekuy, mógów tekuy ebè yóm tau gel wen hton Dwata du.” Yó se tehe gel taba le yóm tau tugod Dwata.)

Jirimaya 36:29

Tikóng deng ksulatem du tulónem yóm tau hol geta, monem, ‘Ni se udélen ebéléem yóm sana Dwata hol gónó mogot, monen, Yó gónóm mtem du yóm sulat lenulun, abay se tulónen lemen yóm angat kegbà yóm tau hol geta bè Babilun du nim benwu ni ne yóm kdê nô lemen.

Isaya 28:15

Tey kehegmón ye du yóm deng keskotuk ye bè yóm hatay kun, anì là matay ye. Deng ye se skotuk yóm benwu yó kem tau deng matay kun, anì là gógów ye edu. Ofo kuy ke laen dù gmoen bélê ye yó kem tau mundug kuy. Són snalig ye yóm kéng ne sukat mò tô gónó ye gewà. Okóm là.