Isaya 30:1 - Udél Dwata: Gna Kesfasad ne Lomi Kesfasad

¹ Ni se deng udél Dwata, monen, “Deng le gotu golu elem hatay ne yó kem tau malak bè Juda lemwót bè yóm kkogol le do. Tódô lolò le yóm atul là lemwóten béléu. Sundu dou kóyô du yóm gel senkotuk le bè dumu benwu. Lemwót bè yóm nmò le yó tendo temnù yóm salà deng gel nmò le.

Isaya 30:1 Referans Kwoze

Isaya 65:2

Nbuten bè kbuten, denge gel eles htifes hemmóyô yó kem dou tau, okóm tey mgel kulu le, són nmò le yóm là tedengen, són lolò le yóm kul knóyô.

Isaya 1:2

Ni se udél Dwata ebélê le yóm Dwata hol gónó mogot, monen, “Ó Tonok, Ó Longit, hnungol ye o dé. Yó kem ngà tehe hbongu deng mom knogol le o.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Isaya 63:10

okóm deng mom natù yó kem tauhen ne tey sidek keheblat le nawa yóm Tulus Dwata. Yó gónó Dwata deng mom hmohon kul ne niten lu sfatay.

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

Isikél 3:9

Eles hgelu kuluhem lómón kgelen botu. Yó gónóm mon béi abay hlikò bélê le. Ne béem abay knikò yóm gel ketngel le des, abay se kdê le hono tau là mimón do.”

Isikél 2:3

“Yó ne, Tau Tonok, hógówu uu ebè yó kem tau Israél ebè yó kem tau là mimón do. Yó kem tehe fù le ekni, tódô lenwóten bè kbuten yóm là kimón le do ne efet ni kmoen ni sana yó ne yóm là kimón le do.

Isaya 30:9

Tódô senflós le kmogol ke Dwata, tódô senflós le mò kéng, tódô senflós le kembê du yóm kun tolok.

Kem Lingón 61:4

Hol hnóem ou bè yóm kóm Gónô kól bè laen dù sónen, laen kô dù hemenu ke hgolunge laan hafakem.

Dwata 9:24

Tódô lenwóten bè yóm hol kbut kdilóu kuy yóm ksonol ye ke Dwata.

Isaya 32:2

Kehlingónu kul, hol lómón ke lu mò seng bè lenos ne mò gónó e mlóy ke sut yóm tey kulón bong. Sotun, lómón ke lu yóm él mlel bè yóm benwu laen dù élen. Ne lómón ke lu yóm olung yóm botu semlung gónó hgolung bè yóm benwu laen dù koyuhen.

Isaya 8:12

“Hol béi gbót bè kul atul yó kem dumum tau ne béi likò du kóm yóm kul gel knikò.

Isaya 1:5

Moen de ke tendo gel knogol ye Dwata? Móyô ye bud tnafak kô? Tey kem tau Israél, bè ktonu kuy lómón ke deng tfeng halì kulu ye. Là buden hyu knawa ye ne kehedem ye.

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

Isaya 28:15

Tey kehegmón ye du yóm deng keskotuk ye bè yóm hatay kun, anì là matay ye. Deng ye se skotuk yóm benwu yó kem tau deng matay kun, anì là gógów ye edu. Ofo kuy ke laen dù gmoen bélê ye yó kem tau mundug kuy. Són snalig ye yóm kéng ne sukat mò tô gónó ye gewà. Okóm là.

Isaya 8:19

Okóm angat mon yó kem dumu tau mò kuy, yake smólók ye bè yó kem tau mton bù ne bè yó kem tau demwata, yó kem gel mnuhul ne mengeg. Yó gónó le mon du yóm yó abay se hyu kun ke gel tekuy smólók bè yó kem tau deng matay mò tmóbóng yó kem tau tolo mowil.

Dwata 9:7

Bê ye abay klifót yóm tehe kehefebut ye ke Dwata yóm kuy Dwata hol gónó mogot, ditu bè yóm benwu laen hol wen tauhen. Tódô lenwóten bè yóm kdaw ktebel ye yóm benwu Idyip efet ye gefet dini, yó ne yóm tendo ksonol ye ke Dwata.

Lista 32:14

Ne ni, yu bud temles mò du yóm sidek tehe nmò yó kem tuha ye. Yu kem lomi tau nim kmoen ni, tô bud nmò ye yóm gónó Dwata bud lembut yó kem tau Israél.

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Isaya 8:11

Wen eles hetgama Dwata dou mlan bè yóm tey kfasangen. Là kóyóen du ke lolou yóm lan lolò yó kem dumuhu tau. Yó udélen ebéléu, monen,

Jirimaya 17:5

Yó udél Dwata, monen, “Megtafak yóm tau ke knogolen ou ne ke smalig bè kgis tau te tonok.

Jirimaya 37:7

“Ni se udél Dwata yóm kul Dwata yó kem tau Israél, monen, Hol tulónem ke Sidikaya yóm tau hefni kóm béléu, mon ye mò du, Deng le nô bè lan ne yó kem sendalù Idyip tô tmóbóng kóm, okóm móyón le bud semfulék ebè benwu le.

Jirimaya 42:19

Ó kem dù tau tebel bè Juda, hol ye hmungol. Deng mon Dwata mò kuy, ‘Hol bê ye abay mógów ebè Idyip.’ Hol bê ye abay klifót nim eles hetgamahen kuy ni.

Sikaraya 4:6

Ominen mon du mò dou, “Ni se udél Dwata ebè Sirubabél. Yóm nmoem là lemwóten bè kegbek tau duhen ke bè kgis tau, okóm lemwót bè dou Tulus, udél yóm Dwata laen dù là gbeken du.

Juswa 9:14

Yó nmò yó kem tau Israél, gotu hnénég le yó kem ken nwit le yó koni ne tahu se, deng knuné. Bede là kô dog snólók le ke Dwata ke tedu yóm kun kóyô.

2 Bok Kem Tau Hol Geta 18:21

Ngem, tô snalig ye yó kem tau Idyip kô? Ke yó tô snalig ye, hol lómón ke tmuged ye seben mufê gotu hnalien ke wen tmuged du. Lómón yó se kmoen yóm tau hol geta bè Idyip ke wen smalig béléen.

2 Bok Kem Tau Hol Geta 18:24

Yó kem sendalù ye là wen yó, là kô le na a gemmò bè yó kem sendalù hol glaan bélê me. Baluen ke wen klitun tók ne kem tau smakay kudà hwiten ebélê ye yóm tau hol geta bè Idyip, senged nóm là kô ye na a gemmò.

Isaya 1:4

Yu kem tau Israél, deng ye golu elem hatay ne yóm kdê ye lemwót bè yóm alì kmò ye sidek. Laen kô dù hyu du yóm gel nmò ye. Deng bong blat yóm salà nô ta ye. Deng mom kenbê ye yóm gónó ye mogot yóm Dwata yó kem tau Israél ne yóm Dwata laen dù belenen. Deng mom knogol ye ne.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Jirimaya 2:18

Tedu se deng guta ye du bè yóm gel kógów ye ebè Idyip na ye e kinum bè yóm kul Él Nayl bè yó? Tedu se deng guta ye du du yóm gel kógów ye ebè Asirya na ye e kinum bè yóm kul Él Yufratis bè yó?

Husiya 11:6

Angat wen gida bong tódô sut lem yó kem syudad le ne angat gotu genbà kem hohon le yó kem bak tikeb yó kem syudad le, omin le gotu gemlà yó kem tau nô lemen, gotu nmoen sónen yó kem sidek atul le.