Isaya 28:9 - Udél Dwata: Gna Kesfasad ne Lomi Kesfasad

⁹ Yó udél le etahu mon Isaya, “Tau du se tô toloken yóm tau yóó? Laen dù mu tekuy du yóm toloken. Yake bè yó kem ngà hanà lomi skó tmutù dé gónón tmolok.

Isaya 28:9 Referans Kwoze

Kem Lingón 131:2

Deng tódô gsengel nawahu ne dou, ne tey menek kegnómu du. Lómón yóm ngà deng henek hlilil te sigel yéen, hol lómón yó se yóm dou kenek nawa.

Jirimaya 6:10

“Ke eles tulónu kul nim udélem ni,” mon Jirimaya mò ke Dwata, “tau du se hmungol dou? Deng henseng le klingu le, là kô hnungol le du yóm udél htugodem dou, deng mom knuli le. Balù udì ke wen óyô le hmungol du.

Kun Snulat Jan 12:38

Lemwót bè yóm là kehtahu le du, ni se gónón dohò yóm tehe hsulat Dwata yóm sotu tehe tugoden boluyen Isaya, yóm monen, “Ó Dwata, laen dù tau hemtahu du yóm gel tulón me. Ne yó kem tau gónóm deng hegfan du yóm kfasangem, là kô glileb le du.”

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

1 Pitér 2:2

Hkél ye bè yóm ngà lomi sut, són nô bè nawahen tmutù ne yó gónón baling lemnok. Yake són Udél Dwata nô bè nawa ye se kuy mò henged kuy tutù anì lemnok kehtahu ye.

Kun Snulat Jan 3:19

Ni se hol gónó tau megtuled. Deng kól lem benwu ne yóm layag. Okóm mom yó nóyô tau yóm gónón kmifu senta yóm layag lemwót bè yóm gel kmò le sidek.

Isaya 54:13

Tódô ou ne tmolok yó kem tauhem anì wen gendeng le ne anì menek kbenwu le.

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

Mark 10:15

Tódô tulónu kuy ktahuhen,” mon Jisas, “yóm tau ke là gtud nawahen ke Dwata lómón se yóm kul kegtud nawa yó kem ngà, là kóen na a gmung bè yóm kogot Dwata tau.”

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Kem Udél Hlalak Tehe Selumun 1:29

Yakà yó duónen, laen dù óyô ye du yóm dou ketngón ne mom kenbê ye madat ke Dwata.

Kem Lingón 50:17

Yakà deng kenbê ye du yó kem dou hlolò kuy, ne là kô hnungol ye du yó kem dou udél ebélê ye.

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

Isaya 30:20

Bè Dwata se gónón lemwót yóm kgel klowil ye. Bede bè yóm kgelen yó, deng eles nô bélê ye mò tmolok kuy. Là bud nebel ye du ne ke tedu gónóhen nô.

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”

Jirimaya 35:13

“Ni se udél yóm Dwata laen dù là gbeken du, yóm Dwata yó kem tau Israél, monen, Holi mógów ebè yó kem tau bè Juda ne bè Jirusalim, monem mò kul, ‘Ngem wen dnalang ye bè yóm là kimón ye dou.