Isaya 28:6 - Udél Dwata: Gna Kesfasad ne Lomi Kesfasad

⁶ Ne bud blayen yó kem tau malak kul yóm óyô le mit du yóm kukum tedeng. Ne benlayen klóbô se yó kem tau mentey yó kem bak tikeb yóm syudad le anì là gbek le kul yó kem hohon le.

Isaya 28:6 Referans Kwoze

Kun Snulat Jan 5:30

Ne bud mon Jisas mò kul, “Ke tek són ou, laen kô gmou. Bè yóm angat kkukumu tau, tódô nmou yóm deng gungolu gu bè Mà, yó se gónón tedeng yóm kkukumu. Là kô tódô nmou du yóm dou kóyô, són olo nmou yóm kun kóyô yóm hógów do.

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

1 Kurin 12:8

Wen se yóm tau tmolok benlay Tulus Dwata ketngón. Bud tólóng se tau tmolok benlayen khulung gmileb du yóm ktahuhen.

Kem Udél Hlalak Tehe Selumun 20:8

Sok bangen kmukum yóm tau hol geta gotu dilóen yó kem tau gel mò sidek ne knukumen lu.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

2 Tutul Israél 32:8

Tey wen kem sendaluen, okóm olo le tau. Nô bélê tekuy yóm sana kut Dwata hol gónó mogot mò tmóbóng tekuy ne du fen sfatay bélê tekuy.” Nim udél Hisikaya ni, tey ketgelen nawa yó kem tau.

1 Bok Kem Tau Hol Geta 3:28

Timbow gungol yóm kdê tau Israél yóm kkukum Selumun yó, botong wen klikò le du yóm kdê le, abay se dilô le lemwót bè Dwata yóm khulungen hedem anì tedeng kwiten du yóm kkukumen.

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

2 Tutul Israél 32:6

Wen kem sendalù genlal néléken mò malak yó kem tau bè yó lem syudad, ne gotu sentifunen lu bè yóm plasa bè bak tikeb yóm syudad. Omin Hisikaya temgel nawa yó kem tau, monen mò kul,

Isaya 25:4

Yó kem tau élél ne yó kem tau laen dù genbeken deng le gotu mlo ebéléem ne laen kô hemen le bè yóm gel kesbeweg benwu le. Uu se gónó le heklung bè yóm lenos bong ne bud uu se gónó le e hgolung bè yóm tey sidek ékét kdaw. Yó kem tau alì hemsidek kum hol lómón ke lu yóm lenos bong

Isaya 33:5

Tey kegetahen yóm Dwata. Gotu knamalen yóm klamangen. Gotu blayen bè Jirusalim yóm ktedeng kogot le kukum ne yóm klaen dù kéng yó kem tau malak bè yó.

Sikaraya 12:5

Ominen yó angat hendem yó kem tau malak bè Juda, ‘Tey le kemgis yó kem tau bè Jirusalim lemwót bè ksalig le yóm Dwata laen dù là gbeken du, yóm kul Dwata.’