Isaya 28:4 - Udél Dwata: Gna Kesfasad ne Lomi Kesfasad

⁴ Yóm alì któtól le, angat hlós menes efet là bud tngónem du. Hol lómón yóm bungu koyu gna mélél, wen gna ma du mò ken ne là bud tngónem du ne.

Isaya 28:4 Referans Kwoze

Nahum 3:12

Angat gotu genbà le kdê yó kem gónóhem gel heklung. Hol lómón klahil keglà le kóm lómón ke kningò le yó kem koyu fig deng mélél bunguhen, gotu le btang elem bak yóm tau kmingò du.

Husiya 6:4

Okóm yó udél Dwata ebélê le, monen, “Ó kem tau Israél ne kem tau Juda, tedu se kmou kuy du? Tódô gel kmanas yóm kbong nawa ye do lómón ke lobun te tonok, ke hlafus tódô kmanas ne lómón ke amù, tódô kmanas bè nóng kdaw.

Isaya 28:1

Tey kamaen yóm benwu Israél, deng golu elem hatay ne. Deng menes ne yóm któtólen lómón kenes yóm bulók gel suub le bè kulu yóm tau gel malak kul, yó kem tau sónmò le gel hlengel. Tey keheklabak le. Wen tey tilob hboo gel sù le bè kulu le, okóm tódô le kem masà bè yó tey sidek klengel le, là bud le temngón.

Deng Hegfan 6:13

Ne yó kem blotik, tódô le btang ete tonok lómón ke bungu koyu tbó bè lenos bong.

Husiya 13:15

Anien ke lómón klobung kluon yóm Israél, okóm angat hwitu ebélê le yóm lenos kinì gu bè yóm benwu là hyu menwu du fi gu dmata kdaw anì gotu kti yó kem tbul él ne yó kem kokol le. Angat gotu negef yó kem hohon le yó kem kimu mebtes deng henyu le.

Husiya 13:1

Bè yóm gnan kdaw ke gel le mudél yó kem ból Ifraim, gotu le likò yó kem dumu tau Israél abay se nadat le Ifraim. Okóm yó kem ból Ifraim yó, deng le mom gemsalà lemwót bè yóm ktaba le ebè Baal ne lemwót bè yóm nmò le ni gónó le angat gotu meglà.

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”