Isaya 28:2 - Udél Dwata: Gna Kesfasad ne Lomi Kesfasad

² Ngem wen tau deng eles nélék Dwata alì kemgis mò na a mundug kul. Bè yóm kundugen kul yó, angat hol lómón ke tbó eta le yóm tey bulók kulón ne lómón ke sut yóm hol klambaden kulón bong ne lómón ke sut yóm tey dunuk mamà glumfak elem benwu.

Isaya 28:2 Referans Kwoze

Nahum 1:8

Okóm yó kem hmohon du, gotu hkonulen lu bè yóm tey dunuk bong. Ngangen mlo kul efet le kól lem yóm gónón alì mget kkifuhen.

Isaya 27:1

Bè yóm kdaw yó, wen tey sudeng mit hatay angat nogot Dwata mò tmafak yóm swaga bong boluyen Libyatan, yóm alì metlasik gel mulu hkigù ne mò hatayen yóm sotu ógóf lóbô nô lem mohin.

Deng Hegfan 18:8

Lemwót bè yóm tey kehegmónen yó, tódô segeng ksuten béléen bè yóm sotu kdaw yóm gónón glayam. Ne tey wen desen, ne tey dê knangagen, lel tey bitil bong. Ngangen mò du efet deng mom mlób bè ofi. Yó gónón alì megtafak, abay se alì mfasang yóm kmukum du, duhen Dwata yóm gónó tekuy mogot.”

Isaya 40:10

Móyónen kól ne yóm Dwata hol dandónen geta gónó tekuy mogot ne ya tey kfasangen bè yóm kogoten. Angat gotu nwiten yó kem tau deng lenwaen.

Isaya 25:4

Yó kem tau élél ne yó kem tau laen dù genbeken deng le gotu mlo ebéléem ne laen kô hemen le bè yóm gel kesbeweg benwu le. Uu se gónó le heklung bè yóm lenos bong ne bud uu se gónó le e hgolung bè yóm tey sidek ékét kdaw. Yó kem tau alì hemsidek kum hol lómón ke lu yóm lenos bong

Deng Hegfan 8:7

Ne mféw yóm tanayen. Sennganen se mulók kulón ne ofi nbol litô tódô htantang ete tonok. Botong gbut gónón mlób tonok, ne gbut se bè yó kem koyu. Ne kentihen yó kem bnes, tódô gotu mlób.

Juswa 10:11

Bè yóm igò le mlóy mosol yó kem tau Amurayt, yó nmò Dwata hetbóhen eta le yóm tey bulók kulón. Ngangen hetbó du eta le efet le kól ditu bè benwu Asika. Tey dê bélê le matay bè bulók kulón senta yóm kul hnatay yó kem tau Israél.

Isaya 8:6

“Lemwót bè yóm kekbê yó kem tau bè Juda du yóm él bélê le boluyen Silu yóm él alì ganag klelen ne lemwót bè yóm alì ksidek klikò le ke Risin ne Pika,

Isaya 32:19

Baluen ke wen tey bulók kulón tbó eta yó kem dlag ne gbà yóm syudad,

Danyél 9:26

Kogol yóm fat latu bud tlu folò fat halay yó, omin le hmatay yóm tau deng nélék Dwata mò kmamal yóm klamangen ne balù udì ke wen tebelen. Ominen wen angat sut sotu tau alì mfasang mogot benwu ne yó angat nmò yó kem sendaluen, gotu genbà le yóm syudad ne yóm Gónô Dwata nô lemen. Yóm kmò kkól yóm hol són kdaw, hol lómón ksut dunuk. Angat wen gida efet kól bè sónen, mung du yóm tey keglayam tau lemwót bè yóm kegbà benwu le, yó se yóm tehe deng eles olu Dwata kul.