Isaya 28:1 - Udél Dwata: Gna Kesfasad ne Lomi Kesfasad

¹ Tey kamaen yóm benwu Israél, deng golu elem hatay ne. Deng menes ne yóm któtólen lómón kenes yóm bulók gel suub le bè kulu yóm tau gel malak kul, yó kem tau sónmò le gel hlengel. Tey keheklabak le. Wen tey tilob hboo gel sù le bè kulu le, okóm tódô le kem masà bè yó tey sidek klengel le, là bud le temngón.

Isaya 28:1 Referans Kwoze

Isaya 28:7

Balù yó kem tau tugod Dwata ne yó kem tau gel demsù ebè Dwata, sana gotu kegbót le hlengel se kul efet sónmò le mógów glénggé. Tey gedlug yóm gel kinum le botong le gel tlokob. Yó kem tau tugod Dwata yó, là bud gtukul le du ne ke wen tô hegfan Dwata bélê le. Ne yó kem tau gel demsù ebè Dwata, là bud gbek le kmukum du ke wen tau kmamo bélê le.

Amus 6:6

Minum ye tifas grép lem tukung ne lunol ye bè lówó ye yóm hboo alì minggel boohen, okóm là kô dog knangag ye du yóm móyón keglà yó kem tau Israél.

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

Amus 2:12

“Okóm deng mom hinum ye yóm tau Nasirit yóm tifas grép ne deng mom mon ye bè yó kem tugodu bê le abay tugod yóm htugodu kul.

Amus 2:8

Bè yóm gel ktaba le ebè yó kem dwata le, deng le mom tungô klohok yó kem gónó gel demsù, igam le yóm nes sandà le bélê le yó kem tau élél. Mom ninum le lem gónô dwata lennged yóm tifas grép nwa le gu bè yó kem tau mutóng filak bélê le.

Husiya 6:10

Deng tonu bè Israél yóm alì sidek, duhen yóm gel ktaba le ebè yó kem dwata lennged deng nmò le.

Husiya 5:5

Yó deng temksì kul yó kem tau Israél, duhen yóm alì keheklabak le. Gotu le tlokob lemwót bè keblat yó kem salà nbô le. Balù Juda, angat mung tlokob bélê le.

Husiya 4:11

Là bud le hulung hedem ne yó kem dou tau lan le tendo gel minum ninum lóbô ne lan le tendo smamuk.

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”

Kem Udél Hlalak Tehe Selumun 23:29

Tmau du de yóm wen gfaen? Tmau du de yóm langag? Tmau du de yóm sbólów? Tmau du de yóm tendo tmalaw? Tmau du de yóm wen lebeneden là tngónen du tódô du? Tmau du de yóm hulô matahen?

Husiya 5:9

Là hewum du kem tau Israél, kesok kól yóm kdaw ktafaku kóm, angat ye meglà.

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Amus 6:4

Hatay ye se kuy, yu kem tau hegléd bè yóm gónón myón alì mebtes, tódô slibut hono kem kimu heklóón gu hilolen, kem tau tendo gel mutón ngà ubiha ne ngà safì.

Amus 6:8

Yó eles safà yóm Dwata hol dandónen geta hlanen bè boluyen, yóm Dwata laen dù là gbeken du, monen, “Tey kenbéu yóm alì kehegeta le knô yó kem tau Israél. Tey sidek matahu mton du yó kem gónô lembang tilob hdà le. Angat gotu blayu elem tdok yó kem hohon le yóm syudad le ne kdê yó kem nô lemen.”