Isaya 27:3 - Udél Dwata: Gna Kesfasad ne Lomi Kesfasad

³ “Tendo knudungu ni kem huluhu ni ne tendo gel tenwélu. Tódô senflósu kifu ne kemdaw mentey du anì laen dù tau hemsidek du.

Isaya 27:3 Referans Kwoze

Isaya 58:11

Ne tendo gel sen-galaku yu ne hegsengelu nawa ye bè yó kem hyu blayu kuy. Tendo gel hekgisu lówó ye ne hlayuku bélê ye yó kem des. Lómón ke yu yóm gónó mò hulu eles tendo héfê tonoken ne lómón ke yu yóm tbul él là ktihen.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Isikél 34:11

“Ni se bud udél yóm sana Dwata hol dandónen geta, monen, Tódô ou ne angat mebel kul yó kem dou ubiha efet gotu tonu lu.

Isikél 37:14

Suu bélê ye yóm dou Tulus ne angat ye bud mowil ne bud hesfuléku yu ebè yóm hol kuy benwu. Omin ye yó he temngón du ou se yóm sana kuy Dwata. Angat ton ye kdohoen yóm kdê deng fasadu kuy ni. Ou se yóm sana kuy Dwata hol gónó mogot yóm mudél ni.”

Isikél 34:24

Ne angat ou se yóm mò Dwata le ne yóm tau semfu gu bè Dabid yó yóm tóbóng lówóhu, du se mò geta bélê le. Ou se yóm sana Dwata hol gónó mogot yóm mudél ni.

Isaya 60:16

Yó kem dumu benwu ne yó kem tau hol geta mogot kul, angat hol sen-gyok le uu hol lómón yóm libun gel sen-gyoken ngaen. Bè yó se gónóm temngón du ou se yóm Dwata hol lemwà kóm, yóm Dwata yó kem tau Israél yóm Dwata laen dù là gbeken du.

Isaya 46:9

Hentulón ye nawa yó kem deng tehe nmou ekni. Hol hentahu ye tek són ou yóm Dwata, laen dù mkél dou.

Isaya 46:4

Ou se yóm kuy Dwata ne angat tendo bud gel sen-gyoku yu efet kól bè ktuha ye ne deng kubón ye. Ou se tehe mò kuy ne tendo gel sen-gyoku yu. Tendo gel tnóbóngu yu ne angat lenwau yu.”

Isaya 5:6

Là bud hnayahu du ne yó kem huluhu yó. Là se bud hen-gifatu du ne là kô bud lenbudu du. Kihu ne ke tfeng kluon semnual tmowok lemen. Balù lobun, sana kdóku kul anì là kmulónen bè yó.”

Kem Lingón 46:11

Nô lem blóng tekuy yóm Dwata laen dù là gbeken du. Du se yóm Dwata tehe Jakub, ne du se gónó tekuy e mlo.

Kem Lingón 46:5

Bè yóm syudad yó, yó se kun gónó nô Dwata, ne laen kô gembek gembà du yóm kun benwu. Hanà hlafus deng sana sut na a tmóbóng.

Tekang Kbuten 6:17

Naw na hlumfak e talak tonok yóm tey dunuk anì gotu meglà kentihen deng mowil talak tonok. Angat le gotu matay yóm kdéen nô talak tonok.

Isikél 37:28

Lemwót bè yóm klaen dù sónen yóm knóen lem blóng le yóm dou Gónô, bè yó gónó le temngón du yó kem dumu tau hmilol kul yóm deng kehetfingu kul yó kem tau Israél mò hol dou tau laen dù belen le. Ou se yóm sana kuy Dwata hol gónó mogot nim mudél ni.” Là gomongen bè nili yóm tsaptér 38 kól bè tsaptér 46. Yóm ktafak Dwata ke Gog lanen mled yóm benwu Israél. Yó kmò Dwata du, hlanen bè yóm hol són gida bong talak tonok.Ne yóm bud kehgulék Dwata yó kem tauhen. Bud ketlob Dwata yóm kun Gónô ne yóm bud kesfuléken elemen, mung du yóm tey klóónen. Kessólól le yóm tonok bè Israél ne yóm bud kmò le du yóm gel kedsù le ebè Dwata ne yó kem dumu gel kehligal le.

Isaya 31:5

Lómón yóm onuk koyu tendo móyóng ta yóm salahen nofinen yó kem ngaen hol lómón se yóm nmou bè Jirusalim. Ou se yóm hol kemlung du ne hol mofin du. Ou se yóm Dwata laen dù là gbeken du.”

Isaya 42:6

“Ou se tmaba kóm, yóm Dwata gónóhem mogot. Deng benlayu u kfasang mogot kukum anì hentedengem yó kem kukum te tonok. Hlanu béléem yóm fasadu ebè kdéen tau. Bud hlanu béléem snéen yóm layag mò hton yóm kdéen tau te tonok.

Isaya 49:8

Yó bud udél Dwata ebè yó kem kun tau, monen, “Ke deng kól yóm kdawu lemwà kuy, hegfanu bélê ye yóm tey nawahu kuy ne bnalau yóm alì kehkodu ye mni tóbóng béléu. Gel bnenteyu yu he ne nofinu yu. Hlanu bélê ye yóm fasadu yó kem tau bè klamangen benwu. Tódô ye bud mulék he ebè yóm benwu ye tehe gotu lebà.

1 Bok Kem Tau Hol Geta 8:59

Yó hem sana kut Dwata hol gónó mogot tendo hemtulón nawa du ket kdaw ne ket kifu ni kem hnihu béléen ni, anì hol tnóbóngen o dalang se yó kem tauhen Israél bè keblayen du kul yóm wen mu le du ket kdaw,

Isaya 44:3

Angat nmou él gu lem yóm benwu balù udì ke tehe wen élen. Ne wen él hlelu bè yóm tonok alì sidek kékéngen. Ne tódô suu bè yó kem ngà ye yóm dou Tulus ne tey któbóngu yó kem sfu ye.