Biblia Todo Logo
Bib sou entènèt

- Piblisite -




Isaya 27:1 - Udél Dwata: Gna Kesfasad ne Lomi Kesfasad

1 Bè yóm kdaw yó, wen tey sudeng mit hatay angat nogot Dwata mò tmafak yóm swaga bong boluyen Libyatan, yóm alì metlasik gel mulu hkigù ne mò hatayen yóm sotu ógóf lóbô nô lem mohin.

Gade chapit la Kopi




Isaya 27:1
30 Referans Kwoze  

Ne wen sotu bud hentaw ton tonu ditu te kmawang. Wen tey klambaden swaga hulô tonu, hitu kuluhen, ne sfolò hangahen. Ne sket wen kuruna yó kem hitu kuluhen.


Yó kem kafal lembang, gotu le mlan tahen. Ne là mdengen lemen yóm blol bong tehe nmoem boluyen Libyatan.


Tódô kenfóen yóm swaga, yóm sana ulal là sekna, duhen Seitan, yóm alì hulung dmelem yó kem tau hemtahu bè Dwata. Tódô nféten efet lemibu halay,


Ne kdê yó kem sendalù le, gotu hnatay yóm smakay kudà bukay yó koni, hatayen kul yóm sudeng hesut gu lem baken. Ya tey sidek kegtu yó kem onuk koyu tmukô du yóm unged yó kem tau deng hnatayen.


Ne bud monen mò do yóm hógów Dwata yó koni, monen, “Yó kem él gónón myón yóm libun hdóyón yó, hnigaden yó kem tey genged tau lemwót bè ket benwu, ne bè ket but tau, ne bè ket kay udél tau.


Ominen mógów ebéléu yóm sotu hógów Dwata tehe mogot tukung, monen mò do, “Mungi do, toloku kóm yóm kmò ktafak Dwata du yóm libun hdóyón alì tótól, duhen yóm tey syudad bong deng tehe hdà le moni bè yó kem tey dê él mlel.


Ominu yó tódô mton yó kem tlu busaw alì sidek halas le, hol lómón ke fak ktonu kul. Hesut le gu lem bak yóm swaga, ne gu lem bak yóm lóbô tanay sut, ne gu lem bak yóm fen tmugod kul.


Kogolen bè yó, tódô tonu yóm sotu ógóf lóbô hesut gu lem tonok. Lewu hangahen lómón hanga ubiha, okóm yóm udélen, lómón udél swaga.


Tey kehtahu le du yóm swaga, abay se deng blayen yóm kun kfasang bè yóm ógóf lóbô hesut gu lem mohin. Hentahu le snéen yóm ógóf lóbô, mon le, “Laen kô gemsenged du nim ógóf lóbô ni. Laen kô gembek mit du sgida.”


Yó gónóm mon, hol knogol ye ne yó kem salà gel nmò ye. Ke là hdon ye du nim monu mò kuy ni, ngem tódóe sut bélê ye naw e genlà yu bè nim sudeng hesut gu lem baku.


Yó kem ógóf lóbô lem bnes ne yó kem ngà ubiha, angat le tódô gotu segbót mken. Yó kem liyun, angat le baling mótób lómón safì. Ne yó kem ulal, laen dù bud knikoem bélê le ne. Bè yóm dou bulul Sayun yó, laen dù bud hemsidek tau bè yó ne laen kô dù bud sidek bè yó snéen.”


Yakà mógówen edini Dwata lemwót gu bè yóm gónóhen nô bè longit nan e tnafak salà yó kem tau te tonok. Angat gotu hetngónen yó kem tau tehe monok là gfanen. Là bud gebnos tonok du se kun yóm tehe gónó le lembeng yó kem tau bnonok le.


Uu se yóm sendalù alì gembek, lumakem sudengem ne. Teyi knóón, lelem alì geta.


Yó kem tau alì hulung hemmulà, yó kem tau gbek mdók yóm bwangkug lem mohin, yake hol henmulà le yóm kdaw yó.


Baluen he ke hebnos le te tfusù Bulul Karmél, olo ke là angat hnebelu kul ne kenfóu lu. Baluen he ke hebnos le ditu tlaan bè sokol mohin, olo ke là angat dóku yóm ulal bong lem mohin mò mékét kul.


Swiv nou:

Piblisite


Piblisite