Isaya 26:9 - Udél Dwata: Gna Kesfasad ne Lomi Kesfasad

⁹ Ke kifu, sónen uu hendem me. Bè yóm kdaw angat kkukumem yó kem tau te tonok, ton le béléem yóm hol kukum tedeng.

Isaya 26:9 Referans Kwoze

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Kem Lingón 119:62

Ke deng sóól buteng, btike, dóyónu uu, abay se hono tedeng yó kem hlauhem.

Kem Lingón 63:1

Ó Dwata, uu se yóm hol dou Dwata, tey khahuu kóm. Tey kesgalu nawahu kóm. Hol lómó kegnómu du, hol lómón yóm tonok mékéng là buden hyu, balù udì ke méfê. Hol lómón yó se kegnómu du bè yóm khahuu kóm.

Mark 1:35

Timbow deng hayahen bè yó, hanà tolo kifu sana btik Jisas nan e mebel gónón tinof mò gónón mni ebè Dwata, bede malù mayuk yóm gónón e solu.

Deng Hegfan 11:13

Ne tódô sen-gengen se yóm tey linol bong bè yóm syudad yó. Botong móyónen gbut bè yó kem gónô le, gotu gbà, ne botong hitu libu tau matay. Ne yó kem dumu tau là matayen, ya tey sidek klikò le, botong dóyón le yóm Dwata nô bè longit lan le mton yóm tey kfasangen.

Kun Snulat Luk 6:12

Sotu kdaw bè yó, tódô mógów elem bulul Jisas anì nan e mni bè Dwata. Tódô suloyen buteng mni.

Isaya 55:6

Tnana ye semfulék ebè Dwata dé ne hol ye mni béléen nim igoen tolo moni bélê ye.

Kem Udél Hlalak Tehe Selumun 8:17

Bong nawaw du kihu tau kembong nawa do ne kihu tau hol mebel do tonen o.

Kem Lingón 58:11

Yó angat mon yó kem tau, “Tahu se, wen ofol blay Dwata kul yó kem tau tedeng kmò le. Bè ktahuhen, Dwata se fen mit du yóm kukum tedeng bè yó kem tau talak tonok.”

Husiya 5:15

Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Kem Lingón 130:6

Yóm kangatu ke Dwata, hol lómón yó kem tau mentey kifu, nangat le géhél kwasen. Mkay bè yó he, Dwata, yóm kangatu du yóm géhél któbóngem do.

Kem Lingón 64:9

Angat le gotu likò yóm kdéen tau, ne gotu tulón le yó kem tey genbek deng nmò Dwata, ne sónmò le hemdem du yó kem deng gendengen.

Kem Lingón 83:18

anì tngón le tek sónen uu Dwata, ne tek sónen uu yóm Hol Dandónen Geta mogot klamangen benwu.

Kem Lingón 78:34

Tikóng wen hnatay Dwata bélê le, yó he kebel le ke Dwata yó kem dù tau mowil. Hegsel le, ne bud le semfulék ebè Dwata.

Kem Lingón 63:5

Angat tey kegsengel nawahu du yóm kehlonihu béléem, hol lómón ke hdengene mken bè yóm mò ken bong. Hligale lemingón béléem mò gónóhu dmóyón kóm.

Kem Lingón 105:7

Dwata se yóm gónó tekuy mogot. Yó kem kun hlau, nmoen bè kdéen tau bè klamangen benwu.

Kem Lingón 119:55

Ke sok kifu, Dwata, gel hendemu uu, ne yó gónów mimón du yó kem hlauhem.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Lanu Jirimaya 3:25

Tey hyu yóm Dwata bè yó kem tau hemdón du ne mebel du.

1 Tutul Israél 16:14

Dwata se yóm hol gónó tekuy mogot. Gfan bè klamangen benwu yóm kmò kogoten tau.