Isaya 26:4 - Udél Dwata: Gna Kesfasad ne Lomi Kesfasad

⁴ Hol snalig tekuy Dwata ne hol bê tekuy abay nmò sónen yóm ksalig tekuy du. Laen kô dù sónen snéen yóm kofinen tekuy.

Isaya 26:4 Referans Kwoze

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kem Lingón 62:8

Ó kem dou tau, hol tendo snalig ye Dwata. Tulón ye du yó kem blat nô ta ye, abay se Dwata se yóm gónó tekuy e mlo.

Kem Lingón 55:22

Hbóem ke Dwata dé yóm blat nô tahem anì du tmóbóng kóm. Là kô bayaen kul btang yó kem tau tedeng kmò le.

Flipay 4:13

Laen dù là gbeku du lemwót bè yóm kfasang Krays béléu.

Kem Lingón 18:2

Dwata se dou botu gónó heklung, gónóhu hofin, ne du se lemwà dou. Dwata se yóm dou botu gónó e mlo. Du se gónów heklung, kun kgis hewà dou, ne du se dou gónó hofin hol mbegel.

Kem Lingón 62:11

Tey mtukul kmon Dwata du, ne deng tey dê duléku mungol du, Dwata se funen yóm kfasang.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

1 Samwél 2:2

Laen dù semnged du yóm kun kólós Dwata. Laen dù dumu Dwata, són uu. Laen dù dumu gónó heklung mkél bè yóm kut Dwata.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

Isaya 45:24

Ne yó angat mon le, ‘Són uu, Dwata, gónón mlan yóm kegmò me bè kem hohon me, són uu bemlay kum kgis.’ Okóm kdê yó kem kmutó nawa dou, angat tey sidek kehyaku kul.

Isaya 32:2

Kehlingónu kul, hol lómón ke lu mò seng bè lenos ne mò gónó e mlóy ke sut yóm tey kulón bong. Sotun, lómón ke lu yóm él mlel bè yóm benwu laen dù élen. Ne lómón ke lu yóm olung yóm botu semlung gónó hgolung bè yóm benwu laen dù koyuhen.

Kem Lingón 125:1

Yó kem tau smalig bè Dwata, lómón kbegel le, lómón kbegel yóm bulul Sayun. Là kóen megsinsig, ne là kóen sliwo.

2 Tutul Israél 20:20

Hol hlafus hayahen bè yó, gotu le btik yó kem sendalù Juda, mógów le ebè yóm benwu laen hol wen tauhen bè Tikuwa. Bè yóm hanà knô le bè lan, htengen mdà Jihusafat, ne yó udélen ebè yó kem tau, monen, “Ó kem tau Juda ne kem tau bè Jirusalim, hnungol ye ou yóm kdê ye. Hentahu ye Dwata yóm Dwata hol kuy gónó mogot, anì mbegel ye. Hentahu ye yó kem tugoden anì wen gónón e kól yó kem nmò ye.”

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Isaya 63:1

“Tau du se yóm tau kól gu bè syudad Busra bè benwu Idom? Tey alì tilob yóm nes hulô leseken. Tódô mógów hekteng, tódô dilóem béléen yóm tey kfasangen ne yóm tey kgisen. Tau du de tu?” Yóm mógów yó, duhen Dwata yóm hol gónó mogot. Tey wen kfasangen lemwà yó kem tauhen. Yó nógówen nan e tulón yóm deng kegmoen bè yó kem hohonen.

2 Tutul Israél 32:8

Tey wen kem sendaluen, okóm olo le tau. Nô bélê tekuy yóm sana kut Dwata hol gónó mogot mò tmóbóng tekuy ne du fen sfatay bélê tekuy.” Nim udél Hisikaya ni, tey ketgelen nawa yó kem tau.

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Kem Lingón 93:1

Dwata se yóm hol dandónen geta mogot klamangen. Yó henged nes leseken, duhen yóm kegetahen ne yóm tey kekgisen. Tey mbegel kehdaen du yóm benwu, là kóen na a sliwo.

Kem Lingón 66:7

Lemwót bè yóm tey kegbeken, laen tul sónen yóm kkamalen yóm klamangen. Tendo tenngelen yóm gel nmò yó kem tau bè ket benwu. Béen wen tau tô hguluk matù du.

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Danyél 3:28

Omin Nibukadnisar mon du, “Hol dóyón tekuy yóm kul Dwata le Sadrak ne Misak ne Abidnigu. Deng wen hógówen gu bè longit mò lemwà yó kem tau tóbóng lówóhen smalig béléen. Là nimón le du yóm hlolou kul, mom hyu bélê le he ke matay le olo ke tô le tmaba ebè yó kem tólóng dwata. Tek són kul Dwata nimón le.

Dwata 33:27

Ebè yóm sana kuy Dwata se gónó ye e mlo. Laen kô dù nan e tul són yóm tendo ktuden kuy. Bè yóm kehlós ye elem yóm benwu fasad Dwata kuy, eles tukô gna kuy Dwata. Deng gotu lohen yó kem hohon ye ne heglaen kuy yóm kdê le.

Kem Lingón 62:9

Kewóten bè yóm tau hol geta kól bè yóm tau hol glaan, laen kô dù mu le. Ke tnimbangem lu, mo le mom maan senta nawa.