Isaya 26:3 - Udél Dwata: Gna Kesfasad ne Lomi Kesfasad

³ Uu se, Dwata, bemlay du yóm tahu kenek nawa bè yó kem tau hol nô bè nawa le mimón kóm, yó kem tau hol smalig béléem.

Isaya 26:3 Referans Kwoze

Flipay 4:7

Ke ni se gel nmò ye, gnóm ye yóm kenek nawa lemwót bè Dwata. Yóm kenek nawa yó, là gbek tekuy hmingón du yóm mò kmoen. Ke deng gnóm ye, là kóen bud sbeweg ne kehedem ye, baling menek kegnóm ye du lemwót bè yóm deng kessotu ye bè Krays Jisas.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Kem Lingón 9:10

Yó kem tau temngón kóm, Dwata, són uu snalig le. Abay se là kô nem e gel bayà kul yó kem tau hmebel kóm.

Sulat Pol Ebè Yó Kem Tau Hemtahu Bè Rom 5:1

Duhen ni, deng baling tedeng ne kton Dwata tekuy mlan bè yóm kehtahu tekuy. Deng tekuy sefyu ke Dwata mlan bè Jisas Krays yóm gónó tekuy mogot.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Mika 5:5

Ne du gónón lemwót yóm kenek kbenwu le. Ke sok nundug kem sendalù Asirya yóm benwu tekuy ne ke tódô le hlós elemen, angat wen hitu tau malak nélék tekuy mò mit kul sfatay ne wen wolu kem ngà tau hol geta malak tekuy.

2 Tutul Israél 16:8

Là gehedemem du kô yóm tehe glumfak yó kem tau bè Ityupya ne kem tau bè Libya, mung kul yó kem tey sendalù wen le, kem klitun tók le ne yó kem sendalù le smakay kudà? Bè yóm kdaw yó, són Dwata snaligem, ne yó gónó Dwata bemlay kul elem hólólem.

2 Tutul Israél 13:18

Bè yóm kdaw yó, gemmò yó kem sendalù Juda, abay se snalig le Dwata, yóm Dwata yó kem tehe fù le.

Isaya 50:1

Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.

Kem Lingón 119:165

Yó kem tau bong óyô le mimón yó kem hlauhem, tey wen kenek nawa le, laen kô dù gembek hetlokob kul.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Isaya 26:12

Ó Dwata, benlayem mi kehyu klowil. Tódô kdê yó kem deng gendeng me hono lemwót bè yóm któbóngem kum.

Isaya 27:5

Okóm ke tô le hofin béléu yó kem tau hmohon yó kem dou tau, yake na le gna mit sefyu béléu. Tahu se, yake na le gna mit sefyu béléu.”

Isaya 32:18

Yó kem tau Dwata, angat laen dù bud tnafa nawa le. Tódô menek lem yóm kul gónô nô, laen dù bang knikò le.

Isaya 42:6

“Ou se tmaba kóm, yóm Dwata gónóhem mogot. Deng benlayu u kfasang mogot kukum anì hentedengem yó kem kukum te tonok. Hlanu béléem yóm fasadu ebè kdéen tau. Bud hlanu béléem snéen yóm layag mò hton yóm kdéen tau te tonok.

Isaya 42:19

Tey butô yóm tau dou tóbóng lówó. Tey bokong yóm tau dou gel hógów.

Isaya 49:8

Yó bud udél Dwata ebè yó kem kun tau, monen, “Ke deng kól yóm kdawu lemwà kuy, hegfanu bélê ye yóm tey nawahu kuy ne bnalau yóm alì kehkodu ye mni tóbóng béléu. Gel bnenteyu yu he ne nofinu yu. Hlanu bélê ye yóm fasadu yó kem tau bè klamangen benwu. Tódô ye bud mulék he ebè yóm benwu ye tehe gotu lebà.

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Danyél 3:28

Omin Nibukadnisar mon du, “Hol dóyón tekuy yóm kul Dwata le Sadrak ne Misak ne Abidnigu. Deng wen hógówen gu bè longit mò lemwà yó kem tau tóbóng lówóhen smalig béléen. Là nimón le du yóm hlolou kul, mom hyu bélê le he ke matay le olo ke tô le tmaba ebè yó kem tólóng dwata. Tek són kul Dwata nimón le.

Danyél 6:23

Ya tey kligal yóm tau hol geta, ominen hewa ke Danyél lem yóm sol gónó le kmukub yó kem liyun. Lemwót bè yóm ksalig Danyél yóm kun Dwata, balù udì ke wen ton le halì bè lówóhen.

Kem Lingón 125:1

Yó kem tau smalig bè Dwata, lómón kbegel le, lómón kbegel yóm bulul Sayun. Là kóen megsinsig, ne là kóen sliwo.

Isaya 32:17

Lemwót bè yóm kmò le tedeng yóm kdê le, angat tey menek kbenwu le ne laen kô dù tul sónen yóm klaen dù knikò le.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Jirimaya 39:18

Abay se snaligem ou, yó gónóhu hlowil kóm ne gónóhen laen dù hemenem. Ou se Dwata nim mudél ni.’ ”