Isaya 26:2 - Udél Dwata: Gna Kesfasad ne Lomi Kesfasad

² Hennas ye dé yó kem bak tikeben ne hfusek ye yó kem tau teneb klolò le ke Dwata, yó kem tau gel mò du yóm tedeng.

Isaya 26:2 Referans Kwoze

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

Kem Lingón 118:20

Ni se yóm bak tikeb yóm Gónô Dwata. Són olo husek elemen, són yó kem tau mimón ke Dwata.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Isaya 60:11

Angat senflósen mngal yó kem bak tikebem kemdaw ne kifu, anì senflós le meted du ebéléem yóm kul kendengen yó kem tau hol geta bè dumu benwu.

Kul Nmò 2:47

Ne là kóen skó yóm tendo kdóyón le ke Dwata. Laen se kô gónó le gemsanil kul yó kem dumu tau. Lemwót bè kun nmò yóm gónó le mogot, tódô ket kdawen gel temnù yó kem tau hemtahu bè Jisas.

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Isaya 54:14

Yó hol hembegel kuy, duhen yóm kukum tedeng nwit ye ne yóm hol kgulit nmò ye. Laen kô dù bud gembek hemgnok kuy ne hmikò kuy.

Kem Lingón 106:5

anì gbóte se do bè kehyu klowil yó kem tau deng nélékem, ne anì gbóte hligal bè yó kem tauhem, ne munge bélê le dmóyón kóm.

Kehewà 19:6

kem tau deng hetfingu mò dou ne angat ye baling kem tau mò gel blóng ebéléu. Nim udél lemwót lem baku ni, hol tulónem yó kem tau Israél.”

Deng Hegfan 21:24

Yóm kun layag yóm syudad yó, gotu hlayagen yó kem tau bè klamangen benwu. Ne kdéen tau hol geta bè klamangen benwu, gotu nit le elemen yóm kul kendengen mò blay le du.

Sikaraya 8:20

Yó bud udél yóm Dwata laen dù là gbeken du, monen, Angat tey wen dumu tau mógów ebè Jirusalim lemwót bè tólóng benwu ne lemwót bè tólóng syudad.

Isaya 58:8

Ke ni se nmò ye, hegfanu bélê ye yóm tey kehyu nawahu, lómón kegfan yóm mata kdaw hlafus. Tódô kendel mkó yó kem des ye. Elese tendo gel nô bélê ye mò lemwà kuy. Yóm tendo gel knóu bélê ye yó, yó se labungu kemlung kuy.

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

2 Pitér 3:13

Okóm tekuy, tódô nangat tekuy yóm deng fasad Dwata tekuy, duhen yóm lomi longit ne yóm lomi tonok, yóm benwu gónóhen nô yó kem tau tedeng kmoen.

Kem Lingón 24:7

Hol hennas ye dé yó kem bak tikeb yóm lósól Gónô Dwata. Hol hennas ye dé yó kem sana beng tganay bè Gónô Dwata. Angat husek elemen yóm hol dandónen geta.

Kem Lingón 118:19

Hennas ye dou dé yó kem bak tikeb yóm Gónô Dwata, yóm bak tikeb gónó le gel mlan yó kem tau tedeng kmò le. Angate husek elemen naw e slamat bè Dwata.

Isaya 45:25

Tek són ou angat lemwà yó kem semfu gu bè tehe Jakub ne tey kdóyón le do.”

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Isaya 60:18

Là bud gungolem du ne, Jirusalim, uni tau sgida. Laen dù bud gembà kóm ne. Lómón ke ou yóm beng hilolem, tendo bnenteyu u ne tendo nofinu u. Angat tey kdóyónem dou lemwót bè yóm kehewau kóm gu lem tdok yó kem hohonem.

Isaya 61:3

Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.