Isaya 26:19 - Udél Dwata: Gna Kesfasad ne Lomi Kesfasad

¹⁹ Yó kem dumu me deng matay, angat wen kdaw le bud mowil. Bud le mulék bè sana lówó le. Kdê yó kem tau tolo nô lem lebeng le, tódô le bud mowil ne gotu le hligal semngal. Lómón yóm amù gel sminang hlafus gotu hlowilen yó kem hulu, hol lómón yó se angat nmò Dwata, angat bud hlowilen yó kem tau tehe matay là sekna.

Isaya 26:19 Referans Kwoze

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

Matyu 27:52

Ne gotu setngag yó kem kilib gónó le lembeng, ne tey dê bè yó kem kun tau Dwata deng tehe matay, gotu bud hlowil Dwata lu.

Husiya 13:14

Sawang tô nsoku lu gu lem lebeng? Book. Sawang tô lenwau lu gu lem hatay? Là. Ó hatay, gotu heglumfakem kul yóm kdê hlayamem. Ó lebeng, hol hnikoem lu. Laen dù bud koduhu kul ne yó kem tau yó.

Husiya 6:2

Ke deng lewu duhen ke tlu kdaw, angat bud hnomihen tekuy anì hlós tekuy nô bè soluhen.

Kem Lingón 71:20

Deng tey kehlayamem dou, okóm angat bud hlowilem ou. Hol lómón ke bud hlowilem ou gu lem lebeng.

Isaya 25:8

Ne nmoen sónen yóm hatay yóm Dwata hol dandónen geta. Tódô gotu nifuhen lewok bè mata yóm kdê le ne gotu kóhen bè yó kem tauhen bè klamangen benwu yóm gónó le gel myak. Yó se hol kun udél yóm Dwata hol gónó mogot.

Flipay 3:21

Bè yóm angat kesfuléken edini, tenlesen yóm lówó tekuy mahil matay nii, ne heskélen bè yóm kun lówó là matayen. Yóm kegbeken mò du nim ni, bud yó se yóm kegbeken mogot du yóm klamangen.

Sikaraya 8:12

Bè yóm bud kmò ye hulu, tey wen kenek nawa ye. Tey angat bud kbungu le yó kem grép, dalang se yóm tonok ye tey angat ketbasen ne angat gel hkulónu bè klamangen. Yóm kdéen ni, angat gotu blayu ebè yó kem dù dou tau tebel bè Juda ne bè Israél mò tóbóngu kul.

1 Kurin 15:20

Okóm bè yóm hol ktahuhen, deng tódô hlowil Dwata Krays. Bè yóm deng klowilen du yó, yó se mò ilô yóm kdohò yóm angat klowil Dwata kul yó kem tau deng matay.

Husiya 14:5

Yó kmou yó kem tau Israél, lómón ke ou yóm amù gotu hnéféen kdéen. Angat le mból lómón bulók. Angat nelem kdolil le lómón kem koyu sidar bè benwu Libanun.

Flipay 3:10

Tek són yó hol sen-galuhu ni kmoen ni, duhen yóm ketngónu ke Krays, ne ke gnómu bè klowilu yóm tey kegbek Krays bè yóm deng klowilen gu lem hatay. Kóyóu ke gnómu snéen dou yóm tehe keglayamen anì mkéle du bè yóm tehe katayen,

Kem Lingón 22:15

Gotu mékéng lem baku, tódô demket lem hlalu dilaku. Tey, Dwata, deng tódô bayaem ou matay masà lem kfung.

Dwata 33:28

Yó gónóm mon, menek kbenwu le yó kem sfu Jakub. Gsengel nawa le du yóm tonok le tódô hono hulu tahen, dalang se yó kem grép gónón lemwót yó kem tifas gel ninum le. Yóm tonok le yó, tendo hnéfê yóm amù lemwót gu bè longit.

Kul Nmò 24:15

Ni kem tau kmamo dou ni,” mon Pol, “tódô senged se yóm hendón nefet nawa me, duhen yóm angat bud klowil Dwata kdéen tau, tau hyu nmò le senged se ke tau sidek nmò le.

Dwata 33:13

Yó udél Musis gbak ebè yó kem sfu Jusif, monen, “Dwata he hol hkulón du eta yóm tonok le ne wen él hesuten gu laan tonok mò tendo hméfê du.

Dwata 32:2

Kehlingónu du nim toloku ni, hol lómón ke kulón gdek ete tonok, ne hol lómón ke amù te tonok. Yóm udélu ebélê ye ni, hol lómón ke blanas eta yó kem hulu ne hol lómón ke blanas eta yó kem bnes.

Matyu 27:58

Tódô mógów ebè Paylét nan e bal du yóm kwahen yóm lówó Jisas. Tahu se, hlus Paylét du.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

1 Samwél 2:6

Dwata se gónón lemwót yóm hatay ne bud du se gónón lemwót yóm klowil. Wen se tau hógówen ebè benwu yó kem deng matay ne wen se tau bud hlowilen.

Kem Lingón 22:29

Yó kem tau hegeta knô angat le gotu heglaan béléen. Laen kô dù tau te tonok ke là mtuden bukol bè soluhen.

Job 14:8

Baluen ke deng legen knóen lem tonok yó kem dolilen ne deng gotu bolok yóm tuhoden,

Kem Lingón 88:11

Sentulón le ditu lem lebeng kô yóm là konol yóm kbong nawahem? Ditu bè gónó meglà, gbek le semtulón du kô yóm tey ktenebem bélê le?