Isaya 26:18 - Udél Dwata: Gna Kesfasad ne Lomi Kesfasad

¹⁸ Ya tey sidek keglayam me du, okóm laen sem dù ngà hesut me. Là kô me gemmò bè yó kem hohon me, laen kô dù gendeng me.

Isaya 26:18 Referans Kwoze

Husiya 13:13

Deng wen lan le bud mowil yó kem tau Israél, okóm là móyô le du. Tey le nungel. Hol le mkél bè yóm ngà móyón sut gu lem blutut yéen, là dogen gewà gu lem balayen.

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Isaya 37:3

Yó udél hwit Hisikaya ebè Isaya, monen, “Ni se yóm kdaw alì keglayam tekuy, yóm kdaw ktafak Dwata tekuy, yóm kdaw alì ksidek kyak tekuy. Hol lómón ke tekuy yóm libun kmuleng blututen, okóm laen kô dù kgisen hesut du yóm ngaen.

2 Bok Kem Tau Hol Geta 19:3

Yó htulónen kul bè Isaya, mon le, “Ni se udél Hisikaya, monen, ‘Ni se yóm kdaw tekuy glayam, kdaw le hemnê tekuy, ne kdaw le hemyak tekuy. Hol tekuy mkél bè yóm ngà móyón sut, okóm là gbek yéen hesut du.

Isaya 33:11

Yóm kdê gel natul ye ne kdê yó kem gel nmò ye, hono laen dù gónón e kól. Yóm dou Tulus, hol lómón ke ofi mò gemlà kuy.

1 Samwél 14:45

Okóm yó udél le ebè Sol yó kem tau, mon le, “Hyu kô ke matay Junatan igoen du hegmò yó kem tau Israél kemdaw ni? Là hyuhen. Safà me bè yóm Dwata là matayen, balù sotu balu wek Junatan ke wen tódô du, yakà du yóm tnóbóng Dwata mò du yóm tey hentaw deng nmoen kemdaw ni.” Duhen yó, lenwà yó kem tau Junatan ne là matayen.

1 Samwél 11:13

Okóm yó balà Sol kul, monen, “Laen dù tau hnatay ye kemdaw ni yakà ni du yóm kdaw kehewà Dwata yó kem tau Israél.”

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.