Isaya 26:17 - Udél Dwata: Gna Kesfasad ne Lomi Kesfasad

¹⁷ Tehe tey klangat me bè yóm nmoem bélê me, Dwata, hol lómón klangat yóm libun kmuleng blututen.

Isaya 26:17 Referans Kwoze

Kun Snulat Jan 16:21

Hol lómón yóm libun sut blututen. Tey sidek kegnómen du yóm hanà lelen kmuleng yóm ngaen. Okóm ke deng sut yóm ngaen, klifóten ne yóm ksidek kegnómen du, ne bud hligal lemwót bè yóm ngà lomi sut lem benwu.

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Jirimaya 30:6

Okóm wen snólóku bélê ye. Wen kô logi mngà? Moen se ke tey dê tonu kem logi hfiles nogot le blutut le lómón ke libun kmuleng blututen?

Jirimaya 6:24

Yó udél yó kem tau bè Jirusalim, mon le, “Wen tulón gungol me gbak bè kmò yó kem hohon me. Bè yóm kungol me du botong lana bélê me kgis me. Ya tey sidek klikò me lelen yó he tey sidek kdesen bélê me, lómón kdes yóm libun kmuleng blututen.

Kem Lingón 48:6

Ne tódô setbol kkel le, ya tey sidek kegnóm le du, lómón yóm libun kmuleng blututen,

Deng Hegfan 12:2

Uma kóm mlutut yóm libun yó, ne tódô kmuleng se yóm bnututen, ya tey langaten bè yóm kkulengen.

Isaya 37:3

Yó udél hwit Hisikaya ebè Isaya, monen, “Ni se yóm kdaw alì keglayam tekuy, yóm kdaw ktafak Dwata tekuy, yóm kdaw alì ksidek kyak tekuy. Hol lómón ke tekuy yóm libun kmuleng blututen, okóm laen kô dù kgisen hesut du yóm ngaen.

Tekang Kbuten 3:16

Ne yó bud mon Dwata ebè yóm libun, “Angat tennuu yóm ksidek kegnómem du bè yóm keblututem, ne hol hdesu yóm ksut blututem. Baluen se ke lómón yó kmoen, là kóen mkó óyóem du yóm tuha logihem, ne du se gónóhem kmulu.”