Isaya 26:16 - Udél Dwata: Gna Kesfasad ne Lomi Kesfasad

¹⁶ Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

Isaya 26:16 Referans Kwoze

Husiya 5:15

Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Jirimaya 22:23

Ya tey kehyuhen yóm knóem lem yóm gónô bongem nmò le gu bè yó kem koyu sidar lemwót bè Libanun, okóm bè sónen angati mulék mkik ne mulék dmolong. Lómó ksidek kegnómem du lómón yóm libun kmuleng blututen.”

Isaya 37:3

Yó udél hwit Hisikaya ebè Isaya, monen, “Ni se yóm kdaw alì keglayam tekuy, yóm kdaw ktafak Dwata tekuy, yóm kdaw alì ksidek kyak tekuy. Hol lómón ke tekuy yóm libun kmuleng blututen, okóm laen kô dù kgisen hesut du yóm ngaen.

Kem Lingón 142:2

Gotu tulónu du yóm dê tnalawu bè klowilu, ne yó kem alì blat nô tahu, gotu tulónu du.

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kem Lingón 42:4

Tey sidek kebà nawahu du sok gbel bè nawahu yóm gnan kdaw bè yóm kmungu bè yó kem tey tau wen mógów ebè Gónô Dwata. Ou se tehe tukô gna kul yó kem tey tau wen yó. Tey kligal le, gotu le semngal ne mensag bè yóm kdóyón le ke Dwata.

1 Samwél 1:15

Bnalà Hana se, monen, “Là Sér, là kóe lengel. Laen dù deng ninumu. Okóm wen gónón sidek kegnómu du ne hotuhu nawahu mni du ebè Dwata.

Lista 21:7

Ne bud le mógów ebè Musis yó kem tau ne mon le mò du, “Deng me gemsalà bè Dwata ne béléem lemwót bè yó kem tey dê udél me eta ye. Bede holi mni kum bè Dwata anì kóhen lu ni kem ulal ni.” Tahu se, mni bélê le bè Dwata Musis.

Jirimaya 2:27

Deng le gotu menmà bè yóm dwata lenbù nmò le bè koyu ne menyê le bè yóm sotuhen nmò le gu bè botu. Deng knogol le ou, okóm ke wen gfà le, bud le hkodu béléu anì lenwau lu.

Kem Lingón 27:8

Deng monem se mò dou, “Na hlonihi sen.” Ne deng monu se mò kóm, “El, hlonihe ebéléem, Dwata.”

Kem Lingón 77:3

Hendemu Dwata, ne botonge dmolong lanu hfu imaku tendo mangat yóm któbóngem dou.

Kem Lingón 78:34

Tikóng wen hnatay Dwata bélê le, yó he kebel le ke Dwata yó kem dù tau mowil. Hegsel le, ne bud le semfulék ebè Dwata.

Jirimaya 29:12

Bè yó kem kdaw yó ke mni ye béléu, hnungolu yu.