Isaya 26:15 - Udél Dwata: Gna Kesfasad ne Lomi Kesfasad

¹⁵ Deng tey kehlamangem du yóm benwu me, Dwata, deng gotu lenbétem gu hilol kililen. Bè ni se hol gónóhem megdóyón.

Isaya 26:15 Referans Kwoze

Isaya 9:3

Tey kligal blayem kul, Dwata. Tey kehefligalem kul. Hligal le lemwót bè yóm deng nmoem bélê le. Lómón kehligal le lómón kehligal yó kem tau muta ne lómón kehligal yó kem tau semsólól yó kem kimu negef le bè gida.

Kun Snulat Jan 17:1

Timbow deng kudél Jisas, ominen temngel ebè longit, monen, “Ó Mà, deng dohò ne yóm kdaw tehe oluhem etahu. Hol dóyónem yóm kóm Ngà anì bud dóyónen se uu kun.

Kun Snulat Jan 15:8

Yó gónón megdóyón Mà ke hol ye mungu, ne yó se gónón gdilô yóm klolò ye do.

Isikél 36:24

Ni se angat nmou, gotu bud sentifunu yu gu bè yó kem benwu deng gónóhu e semkla kuy ne nwitu yu semfulék ebè yóm hol kuy benwu.

Jirimaya 32:37

Angat bud nwitu lu semfulék yó kem dou tau gu bè yó kem benwu deng gónóhu e semkla kul lemwót bè yóm tey kebutu. Hol ebè nim syudad ni se gónóhu bud e mit kul. Tódô menek ne kbenwu le ne laen kô dù hemen le.

Jirimaya 30:19

Yó kem tau angat bud nô lem Jirusalim, tey kesngal le dmóyón do, tey kehligal le mensag. Tey kehbólu kul yó kem dou tau, henbalingu lu sotu benwu tótól ne benwu nadat.

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Isaya 44:23

Hol ye hligal mensag dé, yu kem longit seglafin. Ne yó kem tonok seglafin etlaan, mensag ye. Dalang se kuy kem bulul ne kdê yó kem koyu dlag, hol ye hligal mensag. Deng hegfan Dwata yóm kegetahen bè kehewaen yó kem kun tau Israél.

Isaya 33:17

Angat wen kdawen kton ye du yóm sotu tau hol dandónen geta kmamal yóm klamangen ne tey klinggelen.

Nihimaya 9:23

Tey kehbólem kul yó kem tauhem lómón kwen le kem blotik bè longit. Sal gel hegmoem lu bè yó kem hohon le ne suem lu ta yóm tonok tehe fasadem yó kem tehe fù le.

Dwata 10:22

Bè yóm tehe kógów le ebè Idyip yó kem tehe fù ye ekni, tek le hitu folò kwen le. Okóm ni tey kehból Dwata kuy, lómó kwen ye lómón yó kem tey blotik bè longit.” Là gomongen bè nili yóm tsaptér 11. Yó tulónen bè nim tsaptér ni yóm tey kubug Musis yó kem tau Israél anì hol nimón le Dwata. Tulón Musis kul yóm tey któbóng Dwata kul ke mimón le, okóm tey ktafaken kul yó kem tau là mimón du. Bud tulón Musis kul snéen yóm tey kehyuhen yóm tonok deng blay Dwata kul.

Lista 23:10

Yóm kul sfu yó kem tau Israél, hol lómón kwen le kfung. Tey kwen le, botong là gbekem msó kul. Ke hgesónem yóm dou klowil, Dwata, yake heskélem bè kgesón klowil yó kem kóm tau. Uu he hol bemlay do kenek nawa bè yóm katayu lómón yóm katay yó kem tau tedeng nmò le.”

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Isaya 10:22

Balù yóm tey kwen yó kem tau Israél nim kmoen ni, lómón kwen le helek bè kilil mohin, okóm là kóen hol wen bélê le bud gesfulék. Angat le gotu meglà yó kem dumu tau Israél ne yó se yóm hol knóón bélê le.

Isaya 6:12

Gotu hdóhu yó kem tau nô tahen ebè yó kem dumu benwu mayuk ne laen dù bud tonem tauhen ne yóm tonok le.

2 Bok Kem Tau Hol Geta 23:27

Yakà deng mon Dwata du, “Angat genbau yóm benwu Juda lómón kegbau yóm benwu Israél. Angat kóhu lu bè soluhu. Angat kenbéu Jirusalim yóm syudad deng néléku, ne bud kenbéu snéen yóm Gónô deng monu mò gónó le madat yóm dou boluy.”

2 Bok Kem Tau Hol Geta 17:23

Efet gotu hdó Dwata lu bè soluhen yó kem tau Israél, lómón yóm deng eles htulónen yó kem tugoden ne yó kem tau tóbóng lówóhen. Yó gónóm mon, efet ni kmoen ni yó kem tau Israél sana tolo knô le bè Asirya yóm benwu tehe megef kul.

2 Bok Kem Tau Hol Geta 17:6

Bè yóm gesyómen halay mogot benwu Husiya, gled yóm tau hol geta bè Asirya yóm syudad Samarya, ne gotu negefen etu bè Asirya yó kem tau Israél. Suen lu bè Hala, moni bè kilil Él Habor bè Gusan. Lemwót yó kem dumu, suen lu lem blóng yó kem tau bè syudad Midya.

1 Bok Kem Tau Hol Geta 8:46

Ke gemsalà le béléem yó kem tauhem, abay se laen dù tau ke là gemsalaen, ne lemwót bè kebutem kul là kô hegmoem kul bè yó kem hohon le, ne gotu negef le lu etu ebè tólóng benwu mayuk duhen ke benwu moni,

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Dwata 28:25

Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

Tekang Kbuten 13:16

Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Isaya 40:5

Ominen yó he gfan yóm tey kegeta Dwata ne tódô kdéen tau angat gotu mton du. Ni se yóm deng fasad Dwata tekuy.”