Isaya 26:14 - Udél Dwata: Gna Kesfasad ne Lomi Kesfasad

¹⁴ Deng le gotu matay ne yó kem tehe mogot kum yó, là kô le bud mowil. Là se bud le mowil yó kem lóyóf le, yakà deng tnafakem kul, deng gotu genlaem lu. Laen dù bud hemtulón kul nawa ne.

Isaya 26:14 Referans Kwoze

Kem Udél Hlalak Tehe Selumun 10:7

Baluen ke deng matay yóm tau tedeng kmoen là kóen mkó kehtulón le du nawa kem tau, okóm yóm boluy yóm tau mò sidek tódô klifót le.

Isaya 8:19

Okóm angat mon yó kem dumu tau mò kuy, yake smólók ye bè yó kem tau mton bù ne bè yó kem tau demwata, yó kem gel mnuhul ne mengeg. Yó gónó le mon du yóm yó abay se hyu kun ke gel tekuy smólók bè yó kem tau deng matay mò tmóbóng yó kem tau tolo mowil.

Kem Lingón 106:28

Omin yó kem fù tekuy, deng le mom mung tmaba ebè Baal bè Pyor, ne balù yóm deng dsù le ebè matay, sana kken le du.

Deng Hegfan 20:5

Ni se yóm hol tanay kehlowil Dwata yó kem tau tehe matay. (Bong yó kem dumu tau deng tehe matay, là tagad hlowil Dwata kul he efet kdeng yóm lemibu halay.)

Matyu 2:20

“Ó Jusif, btiki ne, nwitem mulék yóm ngà lewu le yéen ebè yóm kuy benwu bè Israél. Deng le gotu matay ne yó kem tau tehe tô hmatay du yóm ngà.”

Isaya 10:3

Tedu se kmò ye du du bè yóm angat ktafak Dwata kuy? Tedu tô kmò ye du du yóm kwen glumfak bong angat hwiten ebélê ye lemwót bè dumu benwu mayuk? Gónó ye e tô mlóy mni tóbóng du? Gónó ye e tô bemnos du du yóm tey kendengen ye?

Kem Lingón 109:13

Hol le gotu matay he yó kem sfuhen anì laen dù bud tau hemtulón nawa kul.

Kem Lingón 9:6

Deng guta kem hohonu ne yóm keglà laen dù tul sónen. Yó kem syudad le, deng gotu genbaem ne laen dù bud hemtulón kul nawa.

Dwata 4:28

Ne bud bè yó kem benwu gónón e semkla kuy gónó ye angat tmaba ebè yó kem dwata nmò tau, yó kem dwata nmò le lemwót bè koyu ne bè botu, dwata là mtonen ne là gmungolen ne là mkenen ne là gmungefen.

Kehewà 14:30

Bè yóm kdaw yó, deng lenwà Dwata yó kem tau Israél lem tdok yó kem tau Idyip. Ne ton yó se kem tau Israél yóm deng gotu katay yó kem tau Idyip kemtes kul, tódô le masà bè kilil yóm mohin yó.

Isaya 26:19

Yó kem dumu me deng matay, angat wen kdaw le bud mowil. Bud le mulék bè sana lówó le. Kdê yó kem tau tolo nô lem lebeng le, tódô le bud mowil ne gotu le hligal semngal. Lómón yóm amù gel sminang hlafus gotu hlowilen yó kem hulu, hol lómón yó se angat nmò Dwata, angat bud hlowilen yó kem tau tehe matay là sekna.

Kem Lingón 36:12

Tenngelem dé. Deng le gotu masà. Deng le gotu masà, là kô le bud gebtik.

Kem Lingón 59:5

Ó Dwata yóm Dwata laen dù là gbeken du, yóm Dwata yó kem tau Israél, hekmóni kut nem e tnafak yó kem tau bè dumu benwu gel mò sidek. Hol béem abay knodu yó kem tau gel smukat.

Kem Lingón 135:17

Wen klingu le, okóm là kô le mungol. Wen ilung le, okóm là kô le gmungef.

Isaya 37:19

Ne yó kem dwata le gotu nlób le. Sundu tahu dwata du yóm nlób le yó, hono dwata lenbù nmò yó kem tau gu bè koyu ne gu bè botu.