Isaya 26:13 - Udél Dwata: Gna Kesfasad ne Lomi Kesfasad

¹³ Uu se, Dwata, gónó me mogot. Deng gel nogot le mi yó kem dumu tau, okóm tek sónen uu yóm hol kum gónó mogot.

Isaya 26:13 Referans Kwoze

Sulat Pol Ebè Yó Kem Tau Hemtahu Bè Rom 6:22

Okóm ni, deng ye gewà bè yóm óyô mò sidek, baling ye ghesek bè Dwata. Yó uléken, baling ye tedeng bè ktonen kuy, ne angat blayen kuy yóm klowil laen dù sónen.

Isaya 63:7

Angat tulónu yóm là kilihen yóm kbong nawa Dwata tekuy. Tey kdóyónu du lemwót bè yóm deng nmoen bélê tekuy. Tey któbóng Dwata yó kem tau Israél lemwót bè yóm alì kkoduhen kul ne yóm là kilihen yóm kbong nawahen kul.

Isaya 2:8

Ne tódô tfeng benwu le yó kem dwata lennged, gotu le tmaba ebè yó kem dwata lenbù nmò tdok le.

Hibru 13:15

Duhen yó, bê tekuy nmò sónen yóm kdóyón tekuy ke Dwata hlan tekuy bè Jisas, ne hol tulón tekuy bè kem dumu tau Jisas se yóm gónó tekuy mogot. Ni se mò henged dsù tekuy ebè Dwata.

Amus 6:10

Ne ke wen sotu dumu le mógów elem gónô mò ma lówó yó kem deng matay anì ntemen bè lewà, tmaba yóm tau yó ebè yóm sotu tau tolo mowil lem gónô, monen, “Tolo wen dù tau nô béléem bè yó kô?” Ne yó balaen du yóm sotu dù mowil, monen, “Laen duen.” Ne yó angat mon yóm tau tmaba, “Béi mudél, hol bê te abay bnoluy yóm boluy Dwata.”

Isaya 12:4

Bè yóm kdaw yó, angat le lemingón yó kem tau, mon le, “Hol ye slamat bè Dwata. Hol ye tmaba ebéléen anì tnóbóngen yu. Tulón ye bè kdéen benwu yóm deng gendengen bélê ye. Hol tulón ye kul yóm tey kegetahen.

Isaya 10:11

Deng gotu genbau Samarya mung du yóm kdê dwata lenbù nmò le bè yó. Senged snéen yóm angat nmou bè Jirusalim ne bè yó kem dwata lenbù nmò gel tnaba le bè yó.”

2 Tutul Israél 12:8

Okóm baling le tau mò snakufen anì bè yó gónó le temngón du, hyu yóm mogot béléu senta ke mogot le bè yó kem tau hol geta talak tonok.”

Juswa 23:7

Ke ni se nmò ye, là kô gbek ye du mit sbilà bè yó kem tólóng tau dù tebel ta nim tonok ni. Yó kem kul dwata lennged, balù olo moluy yóm kul boluy hol bê ye abay nmò. Là se hyuhen ke hlan ye bè boluy le ke mò ye fasad. Hol bê ye abay tmaba ebélê le ne bê ye abay mni tóbóng bélê le.

1 Kurin 4:7

Ilóem kmon ye ke geta ye senta yó kem dumu ye hemtahu. Wen kô tódô kun kenhulung yóm tau ke là lemwóten bè Dwata? Ke lómón yó, moen de ke tô nit ye hegmón yóm deng blay Dwata kuy?

Kun Snulat Jan 8:32

Ne angat tngón ye se yóm ktahuhen. Ne yóm ktahuhen yó, yó se hewà kuy bè yóm gónó ye ghesek.”

Isaya 26:8

Tendo gel lolò me yóm kóm kóyô bélê me, són uu yóm nefet nawa me. Laen kô dù dumu sen-galu nawa me sónen u.

Isaya 64:5

Tey któbóngem kul yó kem tau hligal mò du yóm tedeng ne là klifót le du yóm hloloem kul bè klowil le. Tehe tey kebutem kum, okóm tódô senflós me mò du yóm sidek. Igò yóm tey kebutem kum mom henlel me mò du yóm sigol lemwót bè kbuten.

Mika 4:5

Baluen he ke hemtahu le bè yó kem dwata kéng yó kem benwu hmilol kum, okóm kum són Dwata yóm kum lolò ne laen kô dù tul sónen.