Isaya 26:12 - Udél Dwata: Gna Kesfasad ne Lomi Kesfasad

¹² Ó Dwata, benlayem mi kehyu klowil. Tódô kdê yó kem deng gendeng me hono lemwót bè yóm któbóngem kum.

Isaya 26:12 Referans Kwoze

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Kem Lingón 57:2

Hole hkodu ebè yóm Dwata hol Dandónen Geta, yóm Dwata angat hdohò du yóm kun kóyô béléu.

Kem Lingón 29:11

Dwata se bemlay kul kgis yó kem tauhen. Du se bemlay kul kenek nawa.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Jirimaya 33:6

Okóm angat wen he kdawu, bud temlob du yó kem deng gbà bè Jirusalim ne bud henyuhu klówó yó kem tauhen. Ne bud hefeneku ke benwu le ne laen kô dù bud hemen le yó kem tau nô lemen.

Dwata 30:6

Wen óyô mimón angat blay Dwata kuy dalang se yó kem angat semfu gu bélê ye anì hol lemwót bè nawa ye yóm kbong nawa ye du ne mowil ye.

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Kem Lingón 68:28

Ó Dwata, hegfanem yóm kegbekem. Hol hegfanem yóm kgisem lómón yóm tehe gel nmoem bélê me.

Kem Lingón 90:17

Hol senflósem kmudung kum, Dwata, yakà uu du yóm mogot kum. Knudungem mi anì wen gónón e kól yóm kdê nmò me.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Isaya 26:3

Uu se, Dwata, bemlay du yóm tahu kenek nawa bè yó kem tau hol nô bè nawa le mimón kóm, yó kem tau hol smalig béléem.

Isaya 27:5

Okóm ke tô le hofin béléu yó kem tau hmohon yó kem dou tau, yake na le gna mit sefyu béléu. Tahu se, yake na le gna mit sefyu béléu.”

Isaya 32:18

Yó kem tau Dwata, angat laen dù bud tnafa nawa le. Tódô menek lem yóm kul gónô nô, laen dù bang knikò le.

Isaya 57:19

Wen kenek nawa blayu kul yóm kdê le, tau moni duhen tau mayuk. Tódô kóhu bè yó kem dou tau yó kem salà le.

Lista 6:26

Dwata he tendo minguy kuy ne bemlay kuy kenek nawa.’ ”

Kem Lingón 57:3

Angat wen tóbóng hwiten gu bè longit mò lemwà dou, anì lenwaen ou bè yó kem tau tô malu hmatay dou. Hegfan Dwata béléu yóm là konol yóm kbong nawan dou ne yóm tey kteneben béléu.